பெலாரஸ் நாட்டின் பிரதான எதிர்க்கட்சித் தலைவர் சிறையில் அடைப்பு

பெலாரஸ் நாட்டின் பிரதான எதிர்க்கட்சித் தலைவருக்கு பெலாரஸ் நீதிமன்றம் 15 ஆண்டுகள் சிறைத்தண்டனை விதித்துள்ளது.

ஸ்வெட்லானா டிகானோவ்ஸ்கயா 2020 இல் பெலாரஸ் ஜனாதிபதித் தேர்தலில்  அலெக்சாண்டர் லுகாஷென்கோவுக்கு எதிராகப் போட்டியிட்ட பின்னர் வெளியேறினார்.

இந்நிலையில் அவருக்கு எதிராக தேசத் துரோகம், அதிகாரத்தைக் கைப்பற்ற சதி செய்தல் உள்ளிட்ட குற்றச்சாட்டுகள் சுமத்தப்பட்டன.

இந்நிலையில், அவருக்கு  பெலாரஸ் நீதிமன்றம் 15 ஆண்டுகள் சிறைத்தண்டனை விதித்துள்ளது.

இன்று நான் எனது தண்டனையைப் பற்றி சிந்திக்கவில்லை. ஆயிரக்கணக்கான அப்பாவிகள், தடுத்து வைக்கப்பட்டு உண்மையான சிறைத்தண்டனை விதிக்கப்பட்டவர்களைப் பற்றி நான் நினைக்கிறேன்.

அவர்கள் ஒவ்வொருவரும் விடுவிக்கப்படும் வரை நான் நிறுத்த மாட்டேன், என்று டிகானோவ்ஸ்கயா சமூக ஊடகங்களில் கூறினார்.

பெலாரஷ்ய நாட்டின் முன்னணி மனித உரிமைக் குழுவான வியாஸ்னா, நாட்டில் தற்போது கிட்டத்தட்ட 1,500 அரசியல் கைதிகள் அடைக்கப்பட்டிருப்பதாகக் கூறுகிறது.

டிகானோவ்ஸ்காயாவின் கூட்டாளிகளில் ஒருவரான முன்னாள் பெலாரஷ்ய கலாச்சார அமைச்சர் பாவெல் லதுஷ்கோவுக்கும் 18 ஆண்டு சிறைத்தண்டனையை நீதிமன்றம் வழங்கியது.

பெலாரஷ்ய அமைதிக்கான நோபல் பரிசு வென்றவரும் மனித உரிமை ஆர்வலருமான அலெஸ் பியாலியாட்ஸ்கிக்கு 10 ஆண்டுகள் சிறைத்தண்டனை விதிக்கப்பட்ட சில நாட்களில் இந்த முடிவு எடுக்கப்பட்டுள்ளது, இது சர்வதேச கண்டனத்தைத் தூண்டியது.

அவரது கணவர், முன்னாள் பதிவர் மற்றும் ஜனாதிபதி வேட்பாளரான செர்ஜி டிகானோவ்ஸ்கி காவலில் வைக்கப்பட்டதை அடுத்து, திருமதி டிகானோவ்ஸ்கயா ஆகஸ்ட் 2020 தேர்தலில் நின்றார். அவர் 2021 இல் 18 ஆண்டுகள் சிறையில் அடைக்கப்பட்டார்.

லுகாஷென்கோ 1994 முதல் பெலாரஸை ஆட்சி செய்து வருகிறார், தேர்தலுக்குப் பிறகு பல மாதங்கள் எதிர்ப்புகளை மீறி, நூற்றுக்கணக்கான எதிர்க்கட்சி அரசியல்வாதிகள் மற்றும் ஆர்வலர்களைக் கைது செய்து சிறையில் அடைத்தார்.

அவர் இப்போது ரஷ்ய ஜனாதிபதி விளாடிமிர் புடினின் நெருங்கிய கூட்டாளியாக உள்ளார் என்பதும் குறிப்பித்தக்கது.