இலங்கை: காலாவதியாகும் கடவுச்சீட்டுக்கள் தொடர்பில் வெளியான முக்கிய அறிவிப்பு

குடிவரவு மற்றும் குடியகல்வுத் திணைக்களம், ஜூன் மாத இறுதியில் காலாவதியாகும் அனைத்து கடவுச்சீட்டுகளின் செல்லுபடியாகும் காலத்தை அடுத்த ஆண்டு ஜனவரியில் இ-பாஸ்போர்ட் திட்டம் வெளியிடும் வரை ஒரு வருடத்திற்கு நீட்டித்துள்ளது.

ஜூன் 30 ஆம் திகதிக்குள் பத்து ஆண்டுகளுக்குப் பிறகு காலாவதியாகும் பாஸ்போர்ட்டுகள் ஒரு வருடம் வரை இலவசமாக நீட்டிக்கப்படும் என்று திணைக்களம் அறிவித்துள்ளது.

புதிய எலக்ட்ரானிக் சிப் பொருத்தப்பட்ட இ-பாஸ்போர்ட் அடுத்த ஆண்டு ஜனவரிக்குள் பொதுமக்களுக்கு வழங்கப்படும், மேலும் பொதுமக்கள் தங்கள் புதிய பாஸ்போர்ட்டை இ-பாஸ்போர்ட்டாக மாற்றிக்கொள்ள ஊக்குவிக்கப்படுகிறார்கள்.

புதிய இ-பாஸ்போர்ட் அச்சிடுவதற்கு ஏலங்கள் கோரப்பட்ட பின்னர் ஒரு நிறுவனம் தேர்வு செய்யப்பட்டுள்ளதாகவும், அதற்கான நடவடிக்கைகள் தற்போது நடைபெற்று வருவதாகவும் குடிவரவுத்துறையின் மூத்த அதிகாரி ஒருவர் தெரிவித்துள்ளார்.

திட்டம் தொடங்கப்பட்டவுடன் ஆண்டுதோறும் சுமார் 700,000 இ-பாஸ்போர்ட்களை வழங்க திணைக்களம் எதிர்பார்த்துள்ளது.