உயர்தரப் பரீட்சையில் முல்லைத்தீவு மாவட்டத்தில் முதலிடம் பிடித்த மாணவனுக்கு நேர்ந்த துயரம்!

இலங்கையில் உயர்தரப் பரீட்சையில் மாவட்ட அளவில் முதலிடம் பிடித்த முல்லைத்தீவைச் சேர்ந்த மாணவர் ஒருவர் சுகயீனம் காரணமாக உயிரிழந்துள்ளார்.

முல்லைத்தீவு, கர்சிலமடுவைச் சேர்ந்த பரமேஸ்வரன் பாணுசன் என்ற மாணவர் கடந்த சில மாதங்களாக சிறுநீரக நோயால் அவதிபட்டு வந்த நிலையில், மருத்துமனையில் அனுமதிக்கப்பட்டுள்ளார்.

இதன்போது அவருக்கு  சிறுநீரக மாற்று சிகிச்சை மேற்கொள்ளப்பட்டதாக தெரிவிக்கப்படுகிறது. இருப்பினும் சிகிச்சை பலனின்றி அவர் நேற்று இரவு (29.09) உயிரிழந்துள்ளதாக தெரிவிக்கப்படுகிறது.

குறித்த மாணவர் கடந்த 2024 ஆம் ஆண்டு க.பொ.த உயர்தரப் பரீட்சையில் பொறியியல் மற்றும் தொழில்நுட்பப் பிரிவில் மாவட்ட அளவில் முதலிடம் பெற்று பல்கலைக்கழகத்திற்குத் தேர்ந்தெடுக்கப்பட்டார் என்பதும்  குறிப்பிடத்தக்கது.