தட்சிணாமூர்த்தி கட்டையாவிற்கு மரண தண்டனையை நிறைவேற்றிய சிங்கப்பூர் அரசாங்கம்!
போதைப் பொருள் கடத்தல் குற்றச்சாட்டில் தடுத்துவைக்கப்பட்டிருந்த தட்சிணாமூர்த்தி கட்டையாவிற்கு சிங்கப்பூர் அரசாங்கத்தால் மரண தண்டனை நிறைவேற்றப்பட்டுள்ளதாக அறிவிக்கப்பட்டுள்ளது.
சிங்கப்பூரில் இந்த ஆண்டு இதுவரை தூக்கிலிடப்பட்ட மூன்றாவது மலேசியர் இவராவார்.
39 வயதான அவர் கடந்த 2011 ஆம் ஆண்டு சிங்கப்பூருக்கு சுமார் 45 கிராம் (1.6 அவுன்ஸ்) ஹெராயின் கடத்தியதாக குற்றம் சாட்டப்பட்டு தடுத்துவைக்கப்பட்டிருந்தார்.
அவர் 2022 இல் தூக்கிலிடப்படவிருந்தார், ஆனால் ஆகஸ்ட் மாதம் நீதிமன்ற காரணங்களால் அவருக்கு பிணை வழங்கப்பட்டிருந்தது.
சிங்கப்பூரின் மத்திய போதைப்பொருள் தடுப்புப் பிரிவு ஒரு அறிக்கையில் அவரது மரணதண்டனையை அறிவித்தது, அதில் தட்சிணாமூர்த்திக்கு முழு சட்ட நடைமுறையும் வழங்கப்பட்டதாகவும், ஜனாதிபதியின் கருணை மனுக்கள் தோல்வியடைந்ததாகவும் கூறியது.
அவர் எடுத்துச் சென்ற போதைப்பொருட்களின் அளவு ஒரு வாரத்திற்கு சுமார் 540 பேரின் போதைப் பழக்கத்தை வளர்க்கக்கூடும் என்றும் தெரிவிக்கப்பட்டுள்ளது.
(Visited 26 times, 1 visits today)
