UKவில் ஆபத்தானவர்களாக அறியப்பட்ட 170 பேரை நாடுகடத்த முடியாமல் தவிக்கும் அரசாங்கம்!

பிரித்தானியாவில்  மனித உரிமைச் சட்டங்களால்  அதிக ஆபத்துள்ள நபர்களை நாடு கடத்துவதில் சிக்கல் நிலை ஏற்பட்டுள்ளதாக தெரிவிக்கப்படுகிறது.

இதன்காரணமாக அதிகாரிகள் அவர்களை 24 மணி நேரமும் கண்காணிக்க வேண்டிய கட்டாயத்தில் இருப்பதாக உள்துறை அலுவலகம் கவலை வெளியிட்டுள்ளது.

சுமார் 170 ஆபத்தான வெளிநாட்டினரை இங்கிலாந்திலிருந்து நாடு கடத்த முடியாத நிலை ஏற்பட்டுள்ளதாக தெரிவிக்கப்படுகிறது. அவர்களில்  பாதிக்கும் மேற்பட்டவர்கள் பயங்கரவாதம் அல்லது தீவிரவாத நடவடிக்கைகளுடன் தொடர்புடையவர்கள் என்று சண்டே எக்ஸ்பிரஸ் தெரிவித்துள்ளது.

பயங்கரவாதிகள் பிரிட்டனில் தங்கியிருப்பது “அவமானகரமானது” என்று உள்துறை அலுவலக அமைச்சர் ஒருவர் விவரித்துள்ளார்.

கடந்த வாரம் நிறைவேற்றப்பட்ட புதிய சட்டங்கள் அதிகாரிகள் அவர்களை மின்னணு முறையில் கண்காணிக்க அனுமதிக்கும் என்றும், அதே நேரத்தில் அரசாங்கம் அவர்களை நாட்டிலிருந்து “விரைவாக” அகற்றும் என்றும் கூறியுள்ளார்.

இருப்பினும் எல்லைப் பாதுகாப்பு, புகலிடம் மற்றும் குடிவரவு சட்டமூலத்தின் ஒரு பகுதியாக கடந்த வாரம் வெளியிடப்பட்ட அரசாங்க சமத்துவ தாக்க மதிப்பீடு, வெளிநாட்டவர் பொதுமக்களுக்கு அச்சுறுத்தலாக இருந்தாலும் இங்கிலாந்திலிருந்து அவர்களை அகற்ற முடியாத நிலையை ஏற்படுத்தியுள்ளது.

புகலிடம் கோரத் தவறியவர்கள் அல்லது குற்றங்களில் தண்டனை பெற்ற புலம்பெயர்ந்தோர் மனித உரிமை ஓட்டைகள் வழியாக நாடுகடத்தப்படுவதைத் தவிர்ப்பதாக விமர்சிக்கப்படுகிறது.