எத்தியோப்பியாவில் இந்திய பிரதமருக்கு வழங்கப்பட்ட உயரிய விருது
இந்திய பிரதமர் நரேந்திர மோடி(Narendra Modi) ஜோர்டான்(Jordan), எத்தியோப்பியா(Ethiopia), ஓமன்(Oman) ஆகிய நாடுகளுக்கு சுற்றுப்பயணம் மேற்கொண்டுள்ளார்.
இந்த பயணத்தின் போது நரேந்திர மோடிக்கு, மிக உயர்ந்த குடிமகன் விருதான தி கிரேட் ஹானர் நிஷான் ஆஃப் எத்தியோப்பியா(Great Honour Nishan of Ethiopia) வழங்கப்பட்டது.
இந்த விருதைப் பெற்ற பிறகு பேசிய பிரதமர் மோடி, “மிகவும் பழமையான மற்றும் வளமான நாகரிகத்தால்” கௌரவிக்கப்பட்டது பெருமைக்குரிய விஷயம் என்று குறிப்பிட்டுள்ளார்.
மேலும், அனைத்து இந்தியர்களின் சார்பாகவும் இந்த விருதை ஏற்றுக்கொண்டதாகவும், இந்தியா-எத்தியோப்பியா உறவுகளை வலுப்படுத்த பங்களித்த பல இந்தியர்களுக்கான அங்கீகாரம் இது என்றும் அவர் விவரித்துள்ளார்.
இந்த விஜயத்தின் போது, இந்தியாவும் எத்தியோப்பியாவும் தங்கள் உறவை ஒரு மூலோபாய கூட்டாண்மையாக உயர்த்த ஒப்புக்கொண்டன.
மேலும், எத்தியோப்பிய மாணவர்களுக்கான உதவி தொகையை இரட்டிப்பாக்க இந்தியா முடிவு செய்ததாக பிரதமர் மோடி உறுதியளித்துள்ளார்.
