ஆஸ்திரேலியாவில் வீடுகளின் விலை வரலாறு காணாத அளவுக்கு உயர்வு

ஆஸ்திரேலியாவில் எதிர்வரும் நிதியாண்டில் வீடுகளின் விலை அதிகமாக உயரும் நகரங்களில் பெர்த், அடிலெய்டு, சிட்னி மற்றும் பிரிஸ்பேன் ஆகிய நகரங்கள் இடம் பெறும் என புதிய ஆய்வுகள் உறுதி செய்துள்ளன.

ஆஸ்திரேலியா முழுவதும் வீடுகளின் விலைகள் மீண்டும் ஒருமுறை உயரும் என எதிர்பார்க்கப்படுகிறது, பல உள் நகரங்களில் வீடுகளின் விலை வரலாறு காணாத அளவுக்கு உயர்ந்துள்ளது.

பெர்த், அடிலெய்டு, சிட்னி மற்றும் பிரிஸ்பேன் ஆகிய நகரங்கள் 2024-2025 நிதியாண்டில் வீடுகளின் விலையில் முதலிடம் வகிக்கும் என்றும், அதைத் தொடர்ந்து குயின்ஸ்லாந்தின் சன்ஷைன் கோஸ்ட் மற்றும் கோல்ட் கோஸ்ட் ஆகிய நகரங்கள் முதலிடத்தைப் பிடிக்கும் என சொத்து ஆய்வாளர்கள் கூறுகின்றனர்.

2025 நிதியாண்டின் முடிவில், வீடுகளின் விலை பெர்த்தில் 850,000 டொலராகவும், சிட்னியில் 1.7 மில்லியன் டொலராகவும், அடிலெய்டில் 984,000 டொலராகவும், பிரிஸ்பேனில் 999,000 டொலராகவும், உயரும் என்று கணிக்கப்பட்டுள்ளது.

சராசரியாக, சிட்னியில் விலை உயர்வுகள் 2023 – 2024 நிதியாண்டு போலவே இருக்கும் என்று எதிர்பார்க்கப்படுகிறது, அதே நேரத்தில் மெல்போர்ன் மற்றும் கான்பெர்ராவின் வளர்ச்சி சற்று வேகமெடுக்கும் என்று எதிர்பார்க்கப்படுகிறது.

புதிய கட்டிடங்களுக்கு அனுமதி வழங்காதது, நிலப்பற்றாக்குறை, அதிக கட்டுமான செலவுகள் போன்ற காரணங்களால் மக்கள் தொகை பெருக்கத்தில் வீடுகள் கட்டுவதில் பின்தங்கியுள்ளதாக கூறப்படுகிறது.

தொடர்புடைய செய்திகள்:

சீனாவில் அதிகாலையில் அதிர்ச்சியை ஏற்படுத்திய நிலநடுக்கம் திருகோணமலையில் வெடிபொருட்களுடன் பெண் ஒருவர் கைது நைஜரின் நிலைமை குறித்து ஐநா தலைவர் கவலை கைது செய்யப்பட்ட பிறகு சிறையில் இருக்கும் மனைவியை சந்தித்த இம்ரான் கான்