பிரித்தானியாவில் 8000 குழந்தைகளின் தரவுகளை ஊடுறுவிய ஹேக்கர்கள்!
பிரித்தானியாவில் மழலையர் பாடசாலை ஒன்றில் ஆயிரக்கணக்கான குழந்தைகளின் புகைப்படங்களை ஹேக்கர்கள் திருடியுள்ளதாக தெரிவிக்கப்படுகிறது.
குறித்த புகைப்படங்கள் மற்றும் உணர்திறன் வாய்ந்த தரவுகள் டார்க்நெட்டில் வெளியிடப்பட்டுள்ளன.
சுமார் 8,000 குழந்தைகளின் விவரங்களை சைபர் குற்றவாளிகள் குழு அணுகியுள்ளது, அவர்கள் இந்த முக்கியமான தகவல்களைப் பயன்படுத்தி கிடோ நர்சரி சங்கிலியிலிருந்து ஒரு தொகை பணத்தை கோருவதாக தெரிவிக்கப்படுகிறது.
இந்த மையம் லண்டன், அமெரிக்கா மற்றும் இந்தியா முழுவதும் தளங்களைக் கொண்டுள்ளது. ஹேக்கர்கள் குழந்தைகளின் பெற்றோர் மற்றும் பராமரிப்பாளர்கள் பற்றிய தகவல்களை வைத்திருப்பதாகக் கூறுகின்றனர்.
மேலும் சில பெற்றோரை மிரட்டி பணம் பறிக்க தொடர்பு கொண்டதாகவும் தெரிவிக்கப்படுகிறது.
வெளியிடப்பட்ட தரவுகளின் மாதிரியில் 10 குழந்தைகளின் புகைப்படங்கள் மற்றும் சுயவிவரங்கள் உள்ளதாக கூறப்படுகிறது.
இந்நிலையில் இது தொடர்பில் எச்சரிக்கைகளை வெளியிட்ட பொலிஸார் இவ்வாறான சம்பவங்கள் மேலும் சைபர் குற்றங்களை மட்டுமே ஊக்குவிக்கும் என்பதால், மீட்கும் தொகையை செலுத்த வேண்டாம் என்று அறிவுறுதியுள்ளனர்.
