மூளை சுறுசுறுப்பாக இருக்க சாப்பிட வேண்டிய உணவுகள்!

மூளை என்பது நம் உடலின் மிகவும் முக்கியமான மற்றும் சிக்கலான உறுப்பு, ஏனெனில் இந்த உறுப்பு தொடர்ந்து வேலை செய்துக் கொண்டே இருக்கிறது.

அத்தகைய சூழ்நிலையில், உடல் ஆரோக்கியத்தைப் போலவே மனநலத்திலும் கவனம் செலுத்த வேண்டியது அவசியமாகும்.

இதற்கு சில சூப்பர் உணவுகளை உங்கள் அன்றாட உணவில் சேர்த்துக்கொள்ளலாம். இந்த உணவுகள் அனைத்தும் மூளையின் செயல்பாடு மற்றும் நினைவாற்றலை மேம்படுத்தவும் உதவுகிறது.

கொழுப்பு நிறைந்த மீன் | Fatty Fish:

சால்மன், கானாங்கெளுத்தி மற்றும் சூரை போன்ற கொழுப்பு நிறைந்த மீன்களில் ஒமேகா-3 கொழுப்பு அமிலங்கள் ஏராளமாக நிறைந்துள்ளன. இந்த கொழுப்பு அமிலங்கள் மூளை வளர்ச்சி மற்றும் செல்கள் உருவாவதில் முக்கிய பங்கு வகிக்கிறது. ஹார்வர்ட் ஹெல்த் தளத்தின் படி, ஒமேகா-3 நிறைந்த உணவு மூளையை கூர்மையாக்கவும் நினைவாற்றலை மேம்படுத்தவும் உதவுகிறது என்று தெரிவித்துள்ளது.

பெர்ரி பழங்கள் | Berries:

ஸ்ட்ராபெர்ரி, ப்ளூபெர்ரி மற்றும் ராஸ்பெர்ரி போன்ற பெர்ரிகளில் ஆன்டிஆக்ஸிடன்ட்கள் அதிகளவு நிறைந்துள்ளது. இந்த ஆக்ஸிஜனேற்றங்கள் மூளை செல்களை சேதத்திலிருந்து பாதுகாக்கின்றன, இது நினைவகத்தை பலப்படுத்துகிறது மற்றும் கற்றல் திறனை அதிகரிக்க உதவுகிறது.

முழு தானியங்கள் | Whole Grains:

தினை, பார்லி, கோதுமை, அரிசி போன்ற முழு தானியங்களில் வைட்டமின் ஈ நிறைந்துள்ளது. வைட்டமின் ஈ மூளை செல்களை ஆக்ஸிஜனேற்ற சேதத்திலிருந்து பாதுகாக்க உதவுகிறது மற்றும் மூளையை கூர்மையாகவும் வைத்திருக்க உதவுகிறது. மேலும், முழு தானியங்களில் உள்ள நார்ச்சத்து மூளைக்கு ஊட்டச்சத்துக்களை வழங்க உதவுகிறது.

தக்காளி | Tomato:

லைகோபீன் எனப்படும் ஆன்டி-ஆக்ஸிடன்ட் தக்காளியில் உள்ளது. லைகோபீன் முதுமை தொடர்பான பாதிப்பிலிருந்து மூளையைப் பாதுகாத்து நினைவாற்றலை வலுப்படுத்த உதவும்.

தயிரில் உள்ள புரோபயாடிக்குகள் செரிமானத்திற்கு நல்லது. தயிர் சாப்பிடுவது செரடோனின் என்ற மகிழ்ச்சியான ஹார்மோனின் அளவை அதிகரிக்கிறது. இது மன அழுத்தத்தை குறைக்க உதவும்.

மூளை வளர்ச்சிக்கு அத்தியாவசியமான அயோடின் தயிரில் அதிகமாக உள்ளது. இதை தவிர மூளையின் ஆரோக்கியத்திற்கு தேவையான புரதம், துத்தநாகம், வைட்டமின் பி, செலினியம் போன்ற சத்துக்களும் உள்ளன. எனவே இவை நினைவாற்றலை அதிகரிக்க உதவும்.