சென்னை, வேலூர் உட்பட 7 மாவட்டங்களில் ஸ்கரப் டைபஸ் பாதிப்பு உயர்வு.

தமிழகத்தில் உண்ணி காய்ச்சல் என அறியப்படும் ஸ்கரப் டைபஸ் பாதிப்பு பரவாமல் தடுக்கச் சுகாதா​ரத் துறை தீவிர கண்காணிப்பு நடவடிக்கைகளை எடுத்து வருகிறது. மாவட்ட அதிகாரிகளுக்கு வழிகாட்டுதல்கள் வழங்கப்பட்டுள்ளன.

ரிக்​கட்​ஸியா பாக்டீரியாவால் பாதிக்கப்பட்ட ஒட்டுண்ணி கடிப்பதன் மூலம் இந்த நோய் பரவுகிறது. காய்ச்சல், தலைவலி, உடல் சோர்வு மற்றும் தடிப்புகள் இதன் முக்கிய அறிகுறிகளாகும். சென்​னை, காஞ்​சிபுரம், வேலூர் உள்ளிட்ட 7 மாவட்டங்கள் மற்றும் மலைப்பகுதிகளில் இதன் பாதிப்பு அதிகமாக உள்ளது.

ஆந்திராவில் பாதிப்பு அதிகரித்துள்ள நிலையில், சென்னை மற்றும் அதனை ஒட்டிய பகுதிகளில் நோய் பரவல் ஏற்படலாம் என அஞ்சப்படுகிறது. விவ​சா​யிகள், புதர் மற்றும் வனப் பகுதியினர், கர்ப்பிணிகள் போன்றோருக்குப் பாதிப்பு ஏற்பட அதிக வாய்ப்புள்ளது. எலிஸா பரிசோதனை மூலம் இந்நோயைக் கண்டறிந்து, அசித்​ரோமைசின் போன்ற ஆன்ட்டிபயாடிக் மருந்துகள் மூலம் சிகிச்சை அளிக்கப்படுகிறது. கடந்த ஆண்டில் 5,000க்கும் மேற்பட்டோர் பாதிக்கப்பட்ட நிலையில், தற்போது தினமும் 10 முதல் 20 பேர் வரை அறிகுறிகளுடன் மருத்துவமனைக்கு வருகின்றனர். இதையடுத்து தடுப்பு நடவடிக்​கைகள் எடுக்​கப்​பட்டு வரு​கின்​றன.