துருக்கியுடன் £8 பில்லியன் போர் விமான ஒப்பந்தத்தில் கையெழுத்திட்ட பிரித்தானியா

துருக்கிக்கு £8 பில்லியன் ஒப்பந்தத்தில் 20 யூரோபைட்டர் டைபூன்(Eurofighter Typhoon) போர் விமானங்களை விற்க பிரித்தானியா ஒப்புக்கொண்டுள்ளது.

இந்த முக்கிய ஒப்பந்தத்தில் கையெழுத்திட அங்காராவிற்கு(Ankara) விஜயம் செய்த பிரதமர் சர் கெய்ர் ஸ்டார்மர்(Sir Keir Starmer), இதை “பிரிட்டிஷ் தொழிலாளர்களுக்கு ஒரு வெற்றி, நமது பாதுகாப்புத் துறைக்கு ஒரு வெற்றி மற்றும் நேட்டோ பாதுகாப்பிற்கு ஒரு வெற்றி” என்று குறிப்பிட்டுள்ளார்.

மேலும், 20 டைபூன் போர் விமானங்களை வழங்குவது “நேட்டோ முழுவதும் பாதுகாப்பை வலுப்படுத்தும், நமது இருதரப்பு பாதுகாப்பு ஒத்துழைப்பை ஆழப்படுத்தும் மற்றும் இங்கிலாந்து மற்றும் துருக்கியின் பொருளாதார வளர்ச்சியை அதிகரிக்கும்” என்று ஸ்டார்மர் தெரிவித்துள்ளார்.

இது கிட்டத்தட்ட இரண்டு தசாப்தங்களில் கையெழுத்தான மிகப்பெரிய போர் விமான ஏற்றுமதி ஒப்பந்தமாகும்.

யூரோஃபைட்டர் என்றும் அழைக்கப்படும் இந்த போர் விமானம், இங்கிலாந்து, ஜெர்மனி, இத்தாலி மற்றும் ஸ்பெயின் இடையேயான ஒரு கூட்டுத் திட்டமாகும், மேலும் இது ராயல் விமானப்படையின் முக்கிய விமானங்களில் ஒன்றாகும்