சுவிஸில் 766 கிலோ பூசணிக்காய் – சாதனை படைத்த விவசாயி

சுவிட்சர்லாந்தின் மிகப்பெரிய பூசணிக்காயை வளர்த்து, ஒரு விவசாயி சாதனையை பதிவு செய்துள்ளார்.

சூரிச் மாகாணத்தைச் சேர்ந்த விவசாயி ப்ளோரியன் இஸ்லர், 766 கிலோ எடையுள்ள ஒரு பூசணிக்காயை வளர்த்துள்ளார்.

அவர் ஸ்குவாஷ் வகையின் கீழ் நடைபெற்ற சுவிஸ் பூசணிக்காய் எடை சாம்பியன்ஷிப் போட்டியில் முதன்மை இடத்தைப் பெற்றார். இந்தப் போட்டி சனிக்கிழமை, சென் காலனில் உள்ள ஜோனாவில் நடைபெற்றது.

இது இவருக்கான தொடர்ச்சியான வெற்றியாகும். கடந்த ஆண்டு, இஸ்லர் 727.5 கிலோ எடையுள்ள பூசணிக்காயுடன் சாதனை படைத்திருந்தார்.

இந்த ஆண்டு நடைபெற்ற போட்டியில், 728.5 கிலோ எடையுள்ள பூசணிக்காயை வளர்த்தவர் இரண்டாவது இடத்தைப் பெற்றார். இதனை பெர்ன் மாகாணத்தைச் சேர்ந்த கோனோல்பிங்காவின் செர்ஜியோ லிமா டோரஸ் வளர்த்தார்.

485.5 கிலோ எடையுள்ள இன்னொரு பூசணிக்காய் வளர்த்தவர் மூன்றாவது இடத்தையும் பிடித்தார்.

சுவிஸ் பூசணிக்காய் மற்றும் காய்கறி எடை சாம்பியன்ஷிப் இதுவரை 12 முறை நடத்தப்பட்டுள்ளது.

கின்னஸ் உலக சாதனைகளின்படி, உலகளவில் வளர்க்கப்பட்ட மிகப்பெரிய பூசணிக்காயின் எடை 1247 கிலோகிராம் ஆகும்.