ஆஸ்திரேலியாவில் வெளிநாட்டு மாணவர்கள் மீதான கட்டுப்பாடு திரும்பப் பெறப்படுமா?
ஆஸ்திரேலியாவுக்கு 2025ஆம் ஆண்டு முதல் வரும் சர்வதேச மாணவர்களை கட்டுப்படுத்தும் தீர்மானத்தில் மாற்றம் செய்யப்பட மாட்டாது என கல்வி அமைச்சர் ஜேசன் கிளேர் வலியுறுத்தியுள்ளார்.
வெளிநாட்டு மாணவர்களை கட்டுப்படுத்துவதில் அரசாங்கத்தின் தலையீட்டிற்கு மன்னிப்பு கேட்கப்போவதில்லை என அமைச்சர் கூறுகிறார்.
2025ஆம் ஆண்டு முதல் ஆஸ்திரேலியாவுக்கு வரும் வெளிநாட்டு மாணவர்களின் எண்ணிக்கையை 270,000 ஆகக் கட்டுப்படுத்த முடிவு செய்துள்ளதாக அரசாங்கம் அண்மையில் அறிவித்தது.
கோவிட் தொற்றுநோய்க்கு முன்னர் இருந்த சர்வதேச குடியேற்றத்தின் அளவை மீட்டெடுக்கும் திட்டமாக இந்த நடவடிக்கை எடுக்கப்பட்டுள்ளதாக கல்வி அமைச்சர் கூறினார்.
சர்வதேச மாணவர்கள் மீதான புதிய கட்டுப்பாடுகள் குறித்த மத்திய அரசின் அறிவிப்புக்கு ஆஸ்திரேலியாவின் பல முன்னணி பல்கலைக்கழகங்கள் தங்கள் அதிருப்தியை வெளிப்படுத்தியுள்ளன.
நியூ சவுத் வேல்ஸ் பல்கலைக்கழகத்தின் செய்தித் தொடர்பாளர், மத்திய அரசின் இந்த நடவடிக்கையானது சர்வதேச உயர்கல்வித் துறை என்ற ஆஸ்திரேலியாவின் நற்பெயரைக் கெடுக்கும் என்றார்.
மத்திய அரசின் அணுகுமுறையால் ஆஸ்திரேலிய பல்கலைக்கழகங்கள் ஏமாற்றமடைந்துள்ளதாகவும், விசா பிரச்சனைகளை சரிசெய்வதற்கான முயற்சிகளை ஆதரிப்பதாகவும், ஆனால் மாணவர் குறைப்பு தீர்வாகவில்லை என்றும் செய்தித் தொடர்பாளர் கூறினார்.
முன்மொழியப்பட்ட வெட்டுக்களால் நாட்டின் பொருளாதாரம், சர்வதேச ஆஸ்திரேலிய உயர்கல்வித் துறை மற்றும் ஆஸ்திரேலியாவின் நற்பெயருக்கு கணிசமான பாதிப்பு ஏற்படும் என்றும் கல்வி நிபுணர்கள் சுட்டிக்காட்டுகின்றனர்.
(Visited 2 times, 1 visits today)
