தொலைபேசி எண்ணைத் துண்டிக்க தயாராகும் மஸ்க்!

டெஸ்லா நிறுவனத்தின் நிறுவனரான எலான் மஸ்க் தன்னுடைய தொலைபேசி எண்ணைத் துண்டிக்க இருப்பதாக தெரிவித்துள்ளார்.

எலான் மஸ்க் உலகக் கோடீஸ்வரர்கள் பட்டியலில் முதலிடத்தில் இருந்து வந்த நிலையில் அண்மையில் இரண்டாவது இடத்திற்கு தள்ளப்பட்டார்.

எக்ஸ் தளத்தின் உரிமையாளராகவும் எலான் மஸ்க் உள்ளார். இந்த நிலையில் அவர் தனது எக்ஸ் பக்கத்தில் முக்கிய தகவல் ஒன்றை வெளியிட்டுள்ளார்.

அதில், “இன்னும் சில மாதங்களில் என்னுடைய தொலைபேசி எண்ணைத் துண்டித்துவிட்டு, எக்ஸ் தளத்தை குறுஞ்செய்தி மற்றும் ஆடியோ, வீடியோ அழைப்புகளுக்கு பயன்படுத்தவிருக்கிறேன்’’ என தெரிவித்துள்ளார்.

அவரின் இந்த அறிவிப்பு எக்ஸ் தளத்தில் ஆடியோ மற்றும் வீடியோ அழைப்புகளை விளம்பரப்படுத்தும் நோக்கில் வெளியிடப்பட்டுள்ளதாக பலரும் கருத்துக்களை தெரிவித்து வருகின்றனர்.

எக்ஸ் தளம் வீடியோ மற்றும் ஆடியோ அழைப்புக்கான ஆரம்ப பதிப்பை கடந்தாண்டு இறுதியில் தேர்ந்தெடுக்கப்பட்ட பயனர்களுக்கு முதன் முதலில் அறிமுகப்படுத்தியது குறிப்பிடத்தக்கது.

தொடர்புடைய செய்திகள்:

மத்திய அமெரிக்காவில் கால்பந்தாட்ட போட்டியை காணவந்த 12 பேர் உயிரிழப்பு! உக்ரைனில் அமைதியை ஏற்படுத்த இந்தியாவின் முயற்சிகளை அமெரிக்கா பாராட்டுகிறது இஸ்ரேலில் தொடரும் பதற்றம்- படையினர் மற்றும் பொதுமக்கள் கடத்தல் : இஸ்ரேல் பாதுகாப்பு படை உறுதி காங்கோவில் கிளர்ச்சியாளர்கள் நடத்திய பீரங்கி குண்டு தாக்குதலில் 19 பேர் பலி!