இத்தாலி நோக்கி சென்ற விமானம் – நடுவானில் ஏற்பட்ட பரபரப்பு

United Airlines விமானம் 8 நிமிடங்களில் 28,000 அடி (8,534 மீட்டர்) உயரம் இறங்கிப் பரபரப்பை ஏற்படுத்தியுள்ளது.

அமெரிக்காவின் நியூ ஜெர்சி (New Jersey) மாநிலத்திலிருந்து புறப்பட்ட விமானத்தில் காற்றழுத்தப் பிரச்சினை ஏற்பட்டது.

அது இத்தாலியின் ரோம் நோக்கிச் சென்றுகொண்டிருந்தது. 37,000 அடி உயரத்தில் பறந்த விமானம், 8 நிமிடங்களில் 9,000 அடிக்கும் குறைவான உயரத்துக்கு இறங்கியது.

காற்று அழுத்தத்தில் பிரச்சினை ஏற்படும்போது விமானம் விரைவாகத் தரையிறக்கப்படும். அது மீண்டும் நியூ ஜெர்ஸி விமான நிலையத்துக்குத் திருப்பிவிடப்பட்டதாக தெரிவிக்கப்படுகின்றது.

சம்பவம் கடந்த வியாழக்கிழமை நடந்தது. விமானத்தில் 270 பயணிகளும், 14 சிப்பந்திகளும் இருந்தனர்.

பத்திரமாகத் தரையிறக்கப்பட்டதும், பயணிகள் அனைவரும் மற்றொரு விமானத்துக்கு மாற்றப்பட்டதாக United Airlines தெரிவித்துள்ளது.

தொடர்புடைய செய்திகள்:

பக்முட்டின் பெரும் பகுதியை கட்டுப்பாட்டில் கொண்டுவந்த வக்னர் குழுவினர்! உக்ரேனிய குழந்தைகளை நீரில மூழ்கடிக்க வேண்டும் – ரஷ்ய தொலைக்காட்சியில் முழக்கம்! இங்கிலாந்து உள்ளுராட்சி மன்ற தேர்தல் : தோல்வியை தழுவிய ஆளும் கட்சி! பிரித்தானியாவில் புற்றுநோயாளர்களுக்கு ஏற்பட்டுள்ள நெருக்கடி நிலை : முதற்கட்ட சிகிக்சைக்காக மாதக்கணக்கில் காத்திருக்கும் மக்கள்!