நபரொருவருடன் மோதிய CTB பஸ்- பஸ் மீது தாக்குதல் நடத்திய சந்தேக நபர்கள்!

திருகோணமலை உட்துறைமுக வீதியில் CTB பஸ்ஸுடன் நபரொருவர் மோதி படுகாயம் அடைந்த நிலையில் திருகோணமலை பொது வைத்திய சாலையில் இன்றிரவு (01) அனுமதிக்கப்பட்டுள்ளார்.

மூதூர் டிப்போவிற்கு சொந்தமான பஸ் உட்துறைமுக வீதிக்கு அருகில் வீதியை கடக்க முற்பட்டவர் உடன் மோதியதாகவும், இதனை அடுத்து ஆவேசத்தில் சிலர் பஸ்ஸை தாக்கியதாகவும் தெரிய வருகின்றது.

குறித்த விபத்தில் திருகோணமலை சீ.வீ.ரோட்- கஸ்தூரி நகரில் வசித்து வரும் கருப்பையா கருணாநிதி (43) என்பவரே காயம் அடைந்துள்ளதாகவும் தெரிய வருகின்றது.

விபத்துடன் தொடர்புடைய பஸ்ஸின் சாரதியை திருகோணமலை தலைமையக பொலிஸார் கைது செய்துள்ளதுடன் விபத்து தொடர்பாக விசாரணைகளை முன்னெடுத்து வருகின்றனர்.

இதேவேளை விபத்தினையடுத்து பஸ்ஸை தாக்கிய சந்தேக நபர்கள் தொடர்பில் விசாரணைகள் முன்னெடுக்கப்பட்டு வருவதாகவும் தெரிய வருகின்றது.

தொடர்புடைய செய்திகள்:

இலங்கையில் அதிக இலாபத்தில் இயங்கும் பால்மா நிறுவனங்கள்! அதிக செயல் திறன் கொண்ட நாணயமாகும் இலங்கை ரூபாய்! ரயில் பாதையில் பேருந்தை ஓட்டிச் சென்றவருக்கு விளக்கமறியல் இலங்கை மின்சார சபையின் வருவாய்! வெளியான தகவல் 6 பில்லியன் அமெரிக்க டொலர்களை எட்டிய இலங்கையின் மொத்த உத்தியோகபூர்வ கையிருப்பு – CBSL இலங்கை: புலமைப்பரிசில் வினாத்தாள் கசிவு! 7 பேர் கொண்ட குழு நியமனம்