காசாவில் மீட்கப்பட்ட பணய கைதிகளின் உடல் – உறவினர்கள் உறுதிப்படுத்தியுள்ளனர்!
காசாவில் உள்ள ஆறு இஸ்ரேலிய பணயக்கைதிகள் இறந்ததை அவர்களது குடும்பத்தினர் உறுதிப்படுத்தியுள்ளனர்.
Carmel Gat, Eden Yerushalmi, Hersh Goldberg-Polin, Alexander Lobanov, Almog Sarusi மற்றும் Ori Danino ஆகியோரின் உடல்கள் இஸ்ரேலுக்கு கொண்டு வரப்பட்டதாக இஸ்ரேல் ராணுவம் ஒரு அறிக்கையில் தெரிவித்துள்ளது.
அவர்கள் அனைவரும் அக்டோபர் 7 ஆம் திகதி ஹமாஸ் தலைமையிலான போராளிகளால் கடத்தப்பட்டனர்.
அவர்களின் உடல்கள் தெற்கு காசாவில் உள்ள நிலத்தடி சுரங்கப்பாதையில் சனிக்கிழமை கண்டெடுக்கப்பட்டன என்று இஸ்ரேல் பாதுகாப்புப் படைகள் தெரிவித்தன.
எங்கள் ஆரம்ப மதிப்பீட்டின்படி, நாங்கள் அவர்களை அடைவதற்கு சிறிது நேரத்திற்கு முன்பு அவர்கள் ஹமாஸ் பயங்கரவாதிகளால் கொடூரமாக கொல்லப்பட்டனர்” என்று இராணுவ செய்தித் தொடர்பாளர் ரியர் அட்மிரல் டேனியல் ஹகாரி கூறினார்.
ஹமாஸ் மற்றும் அதன் ஆயுதப் பிரிவு இந்தக் குற்றச்சாட்டுகள் குறித்து உடனடியாக கருத்து தெரிவிக்கவில்லை.
(Visited 1 times, 1 visits today)
