தெற்கு ஜப்பானில் ஐவோ ஜிமாவுக்கு 1 கிமீ தூரத்தில் கடலுக்கடியில் உள்ள எரிமலை வெடித்ததைத் தொடர்ந்து கடற்பரப்பில் புதிதாக தீவு ஒன்று உருவாகியுள்ளது. பெயரிடப்படாத எரிமலை மூன்று வாரங்களுக்கு முன்பாக வெடிக்கத் தொடங்கியது. வெடிப்பு நிகழ்ந்த 10 நாள்களுக்குள் எரிமலை சாம்பலும் பாறைகளும் ஆழமில்லாத கடற்பரப்பில் சேகரமாகி அதன் முனை கடலுக்கு மேலாக உயர்ந்து தீவு போல காட்சியளிக்கிறது. நவம்பர் தொடக்கத்தில் உருவான இந்த நிலம், 100 மீட்டர் விட்டம் கொண்டதாகவும் 20 மீட்டர் உயரத்தோடும் எழுந்துள்ளது. […]

தென்கொரிய தலைநகர் சியோலில், மூட்டைப்பூச்சி தொல்லை அதிகரித்து பாரிய அச்சுறுத்தலாக மாறியுள்ளது. இதனால், குடியிருப்பு பகுதிகள் மற்றும் சுரங்க ரயில் நிலையங்களில் மாநகராட்சி ஊழியர்கள் மூட்டை பூச்சி மருந்து தெளித்துவருகின்றனர். கல்லூரி விடுதிகள், மசாஜ் ஸ்பாக்கள் போன்ற இடங்களில் மூட்டைப்பூச்சி பெருக்கம் அதிகரித்தது. அது சார்ந்த தொற்றுகளால் முப்பதுக்கும் மேற்பட்டோர் பாதிக்கப்பட்டனர். அடுத்த 4 வாரங்கள் மக்கள் அதிகம் கூடும் இடங்களில் மூட்டைப்பூச்சிகளை கட்டுப்படுத்தும் நடவடிக்கைகளை மேற்கொள்ள அரசு உத்தரவிட்டுள்ளது.

சிங்கப்பூரில் சில்லறை வர்த்தகத் தொழில்துறைக்கான புதுப்பிக்கப்பட்ட மின்னிலக்கத் திட்டத்தை அறிமுகம் செய்துள்ளன. Enterprise Singapore அமைப்பும் தகவல்தொடர்பு ஊடக மேம்பாட்டு ஆணையமும் இணைந்து இந்த நடவடிக்கையை மேற்கொண்டுள்ளது. வாடிக்கையாளர் அனுபவம், செயல்பாட்டுத் திறன், வர்த்தக வளர்ச்சி ஆகிய 3 முக்கிய அம்சங்களில் மின்னிலக்கத் தீர்வுகளைக் கொண்டுவருவதில் திட்டம் கவனம் செலுத்தும். வர்த்தகர்கள் புதிய சவால்களைச் சமாளிக்கவும் வாய்ப்புகளைப் பெறவும் மின்னிலக்கத் தீர்வுகள் கைகொடுக்கும். அவற்றின் மூலம் வாடிக்கையாளர்கள் பொருள்களை வாங்கும்போது மேலும் சிறந்த அனுபவத்தைப் பெறுவர். வர்த்தக, […]