பாடசாலை நேரத்தை காலை 8 மணியிலிருந்து மாலை 4 மணிவரை நீடிப்பதற்கு யோசனையொன்று முன்வைக்கப்பட்டுள்ளது. இந்த யோசனை கல்வியமைச்சர் சுசில் பிரேமஜயந்தவிடம் சமர்ப்பிக்கப்பட்டுள்ளதாக விளையாட்டுத்துறை அமைச்சர் ரொசான் ரணசிங்க தெரிவித்துள்ளார். காலி பகுதியில் கரையோரங்களை சுத்தப்படுத்தும் வேலைத்திட்டத்தின் பின்னர் ஊடங்களுக்கு கருத்து தெரிவித்த போதே அவர் இந்த விடயத்தை தெரிவித்துள்ளார். பாடசாலை மாணவர்களை விளையாட்டில் ஈடுபட ஊக்குவிக்கும் நோக்கில் இந்த யோசனை முன்வைக்கப்பட்டுள்ளதாக அவர் குறிப்பிட்டார்.

கொரோனா காலத்தில் நீதிபதி ஒருவர் தவறாக நடந்து கொண்டமை தொடர்பாக அவருக்கு எதிராக தண்டனை விதிக்கப்பட்டுள்ளது. ஜெர்மனியில் கொரோனா தொடர்பில் கட்டுப்பாட்டுக்கள் விதிக்கப்பட்டு இருந்த காலங்களில் கிழக்கு ஜெர்மனியில் நகர நீதிமன்றத்தில் குடும்ப நீதிமன்றத்தில் கடமையாற்றுகின்ற நீதிபதி ஒருவர் கொரோனா கட்டுப்பாட்டு விடயத்தில் குறிப்பாக பாடசாலை மாணவர்கள் பாடசாலையில் முக கவசம் அணிய வேண்டும் என்ற நிலைப்பாட்டை நீக்கி தனது தீர்ப்பை வழங்கியிருந்தார். அதாவது இந்த குடும்ப விடயங்களை ஆராய்கின்ற இந்த நீதிபதியானவர் தனது அதிகாரத்துக்கு மேற்பட்ட […]

இலங்கையில் 5 இலட்சத்து 21 ஆயிரத்து 203 கடவுச்சீட்டுகள் விநியோகிக்கப்பட்டுள்ளதாகத் தெரிவிக்கப்படுகிறது. இந்த ஆண்டின் முதல் 6 மாதங்களில் இந்த கடவுச்சீட்டுகள் விநியோகிக்கப்பட்டுள்ளது. குடிவரவு மற்றும் குடியகழ்வு திணைக்களம் இதனைத் தெரிவித்துள்ளது. அதேநேரம் இந்த ஆண்டின் ஜனவரி முதல் ஜூன் வரையான காலப்பகுதியில் 147,000 பேர் நாட்டிலிருந்து பல்வேறு தொழில் வாய்ப்புகளுக்காக வெளியேறி இருப்பதாக புள்ளிவிவரங்கள் தெரிவிக்கின்றன.