இங்கிலாந்தில் கல்வி கற்கும் சர்வதேச மாணவர்களுக்கு ஏற்பட்டுள்ள சிக்கல்!

இங்கிலாந்து பல்கலைக்கழக கண்காணிப்பு அமைப்பிற்கு சர்வதேச மாணவர்களிடமிருந்து பல்வேறு புகார்கள் கிடைக்கப்பெறுவது சாதனை மட்டத்தில் உயர்ந்துள்ளதாக தெரிவிக்கப்படுகிறது.

இங்கிலாந்து மற்றும் வேல்ஸில் உள்ள அனைத்து பல்கலைக்கழக மாணவர்களிடமிருந்தும் மொத்தம் 3,137 புகார்கள் கடந்த ஆண்டில் கிடைக்கப்பெற்றதாக கூறப்படுகிறது.

உள்நாட்டு மாணவர்களைக் காட்டிலும் அதிக கல்விக் கட்டணத்தைச் செலுத்தும் சர்வதேச மாணவர்கள், 2023 இல் UK பல்கலைக்கழகங்களைப் பற்றி 1,268 புகார்களை அளித்துள்ளனர்.

சர்வதேச மாணவர்களிடம் இருந்து கிடைக்கப்பெறும் புகார்கள் ஏறக்குறைய 90 சதவீதமாக காணப்படுகிறது. இது கடந்த காலத்துடன் ஒப்பிடும்போது 45 சதவீதம் அதிகமாகும்.

புகார்கள் இருந்தபோதிலும், ஐரோப்பிய யூனியன் பல்கலைக்கழகங்கள் GCC மாணவர்களுக்கு மிகவும் தளர்வான விசாக்களை வழங்கினாலும், UAE யில் இருந்து பிரிட்டிஷ் கல்வி நிறுவனங்களுக்கு விண்ணப்பிப்பவர்களின் எண்ணிக்கை அதிகரித்துள்ளது.

ஒட்டுமொத்தமாக, மாணவர்களிடமிருந்து OIA க்கு வந்த புகார்களில் கிட்டத்தட்ட பாதி (45 சதவீதம்) கல்வி முறையீடுகள் பற்றியது, மதிப்பெண்கள் மற்றும் இறுதிப் பட்டப்படிப்பு முடிவுகளில் உள்ள சிக்கல்கள் பற்றியதாக உள்ளது.

ஐரோப்பிய ஒன்றியம் அல்லாத மாணவர்கள் மற்றும் முதுகலை மாணவர்களிடமிருந்து வரும் புகார்களில் கல்வி சார்ந்த விஷயங்கள் குறித்த புகார்களின் அதிகரிப்பு குவிந்துள்ளது என்றும்  கண்காணிப்புக்குழு தெரிவித்துள்ளது.

சர்வதேச மாணவர்களுக்கு சில சமயங்களில் ஸ்பான்சர்ஷிப் ஏற்பாடுகளும் செய்யப்படுகின்றன, இது அவர்களின் படிப்பில் வெற்றி பெற அதிக அழுத்தத்தை ஏற்படுத்தும் என்று அறிக்கை கூறுகிறது.

சர்வதேச மாணவர்கள் சிரமங்களை எதிர்கொண்டால் படிப்பிலிருந்து நேரத்தை ஒதுக்குவது போன்ற விருப்பங்களைப் பயன்படுத்துவது மிகவும் கடினமாக இருக்கும் என்றும் விசா தேவைகள் சூழ்நிலைகளை மேலும் கடினமாக்கும் என்றும் அந்த அறிக்கையில் மேலும் தெரிவிக்கப்பட்டுள்ளது.

தொடர்புடைய செய்திகள்:

77 வீரர்களின் உடல்களை உக்ரைனுக்கு திருப்பி அனுப்பிய ரஷ்யா : தொடரும் மர்மம் பிரித்தானியா நோக்கி சென்ற சிறுமிக்கு நேர்ந்த துயரம் – சடலமாக மீட்பு அரிதான நிகழ்வு… லண்டனில் ஹாரோவின் இரவு வானில் தென்பட்ட வடக்கு விளக்குகள் (புகைப்படங்கள்) வடகொரியாவை தொடர்ந்து வியட்நாம் சென்ற விளாடிமிர் புடின் ukவில் பணவீக்கத்தில் ஏற்பட்ட மாற்றம் : வீடுகளை கொள்வனவு செய்ய ஆர்வம் காட்டப்படுகிறதா? பிரித்தானியாவில் குழந்தைகளுக்காக வேலையை விடும் பெற்றோர்!