யாழில் திடீரென மேற்கொள்ளப்பட்ட சுற்றிவளைப்பு – 14 பேர் மீது வழக்கு பதிவு!

யாழில் தடை செய்யப்பட்ட பொலித்தீன் மற்றும் பிளாஸ்டிக் பொருட்களை வைத்திருந்த 14 கடை உரிமையாளர்களுக்கு எதிராக வழக்குத் தொடரப்பட்டுள்ளது.

இது குறித்து  யாழ். மாவட்ட மத்திய சுற்றாடல் அதிகார சபையின் பிரதி பணிப்பாளர் சுபோகரன் கருத்துத் தெரிவிக்கையில் ‘யாழ்.மாவட்டத்தில் கடந்த 09 மாத கால பகுதிகளில் 13 தடவைகள் விசேட சோதனை நடவடிக்கைகள் முன்னெடுக்கப்பட்டிருந்தன.

அதன் போது , உணவகங்கள் , விற்பனை நிலையங்கள் என 205 வர்த்தக நிலையங்களில் சோதனை நடத்தப்பட்டது. அவற்றில் 14 உரிமையாளர்களுக்கு எதிராக நீதிமன்றில் வழக்கு தாக்கல் செய்துள்ளோம்.

எதிர்வரும் காலங்களிலும் திடீர் சோதனை நடவடிக்கைகளை முன்னெடுக்கவுள்ளோம். எனவே வர்த்தகர்கள் தடை செய்யப்பட்ட பொலித்தீன் மற்றும் பிளாஸ்ரிக் என்பவற்றை விற்பனை செய்யவோ, பயன்படுத்தவோ உடமையில் வைத்திருக்கவோ வேண்டாம்” எனத் தெரிவித்துள்ளார்.

தொடர்புடைய செய்திகள்:

சிறைச்சாலைகளில் நெரிசலைக் குறைக்க அறிமுகமாகவுள்ள புதிய திட்டம்! இந்தோனேசியாவில் நிலச்சரிவில் சிக்கி 14 பேர் உயிரிழப்பு! ஸ்ரீலங்கா சுதந்திரக் கட்சியில் இருந்து நீக்கப்பட்ட அமைச்சர்களின் வழக்கு தொடர்பில் நீதிமன்றம் பிறப்பித்த உத்தரவு! மூளையில் ரத்த கசிவால் உயிரிழந்த மட்டக்களப்பு பல்கலைக்கழக பட்டதாரி மன்னார் இளம் தாய் சிந்துஜாவின் கணவர் திடீர் மரணம்