இலங்கை – ரஷ்ய மனித கடத்தலுடன் தொடர்புடைய இருவர் கைது

ரஷ்ய இராணுவத்தில் பணியாற்றுவதற்காக இலங்கையர்களை அனுப்பிய உரிமம் பெற்ற வெளிநாட்டு வேலைவாய்ப்பு நிறுவனம் ஒன்றின் உரிமையாளர் மற்றும் முகாமையாளரும் கைது செய்யப்பட்டுள்ளனர்.

வெளிநாட்டு வேலை வாய்ப்புப் பணியகத்தின் விசேட புலனாய்வுப் பிரிவின் அதிகாரிகளினால் நேற்று (15) இவர்கள் கைது செய்யப்பட்டதாக வெளிநாட்டு வேலைவாய்ப்புப் பணியகம் விடுத்துள்ள அறிக்கையில் தெரிவிக்கப்பட்டுள்ளது.

ரஷ்ய ராணுவத்தின் சிவில் சேவைக்கு இலங்கையர்களை சுற்றுலா விசா மூலம் அனுப்புவதாக கூறி, ஒவ்வொருவரிடமும் தலா 15 லட்சம் ரூபாய் வசூலித்துள்ளனர்.

இந்த முகவர் நிறுவனம் மேற்கொண்ட மோசடி தொடர்பில் பணியகத்திற்கு 7 முறைப்பாடுகள் கிடைக்கப்பெற்றுள்ளதுடன், அந்த முறைப்பாடுகளின்படி இந்த நிறுவனத்தினால் மோசடி செய்யப்பட்ட பணத்தின் தொகை ஒரு கோடி ரூபாவிற்கும் அதிகமாகும்.

அதன்படி, நேற்று நுகேகொடை ஸ்டென்லி திலகரட்ன மாவத்தையில் இயங்கி வந்த குறித்த நிறுவனத்தை சுற்றிவளைத்து அதன் உரிமையாளர் மற்றும் முகாமையாளர் என இருவரும் விசாரணை அதிகாரிகளால் கைது செய்யப்பட்டுள்ளனர்.கைது செய்யப்பட்ட சந்தேகநபர்கள் இருவரின் வாக்குமூலங்களைப் பதிவு செய்ததன் பின்னர், அவர்கள் இன்று நீர்கொழும்பு நீதவான் நீதிமன்றில் ஆஜர்படுத்தப்படவுள்ளனர்.

See also  இலங்கையில் கூரிய ஆயதத்தால் தாக்கப்பட்டு ஒருவர் கொலை!

தொடர்புடைய செய்திகள்:

இலங்கையில் முழுவதும் 50 ஆயிரம் போலி வைத்தியர்கள் சேவையில் உள்ளதாக தகவல்! இலங்கையில் தங்கத்தின் விலையில் ஏற்பட்ட மாற்றம் யாழில் கரையொதுங்கிய மீனவரின் சடலம்! இலங்கை: ஓய்வூதியதாரர்களுக்கு மாதாந்தம் விசேட கொடுப்பனவு! இலங்கை தமிழ் மக்களுக்காக குரல் கொடுத்த சிங்கள அரசியல்வாதி மரணம் சென்னைக்கும் யாழ்ப்பாணத்துக்கும் இடையே புதிய விமான சேவை ஆரம்பம்!