பிரித்தானிய மக்களுக்கு விசேட தகவல் – ஏப்ரல் முதல் அமுலுக்கு வரும் முக்கிய நடைமுறை

பிரித்தானியாவில் உள்ள மருத்துவமனைகளுக்கு ஏப்ரல் முதல் “Martha விதியை” அறிமுகப்படுத்த நிதி வழங்கப்படும் என தேசிய சுகாதார சேவை அறிவித்துள்ளது.

கடுமையாக நோய்வாய்ப்பட்ட நோயாளிகளின் நிலை மோசமடைந்தால், இரண்டாவது கருத்தை எளிதாக அணுகும் முறையை உருவாக்குவதற்கான திட்டங்களை அரசாங்கம் ஆதரித்துள்ளது.

மூன்றில் இரண்டு பங்கு மருத்துவமனைகள், அதாவது குறைந்தது 100 மருத்துவமனைகள் ஆரம்பத்தில் இந்தத் திட்டத்தில் பங்கேற்க விண்ணப்பிக்க முடியும்.

பிரித்தானியாவில் வாழ்ந்த 13 வயதான Martha Mills என்ற சிறுமியின் பெற்றோர்கள் செய்த பிரச்சாரத்தையடுத்து இந்த நடவடிக்கை எடுக்கப்பட்டுள்ளது.

குறித்த சிறுமியை தாக்கிய செப்சிஸ் பாதிப்பின் போது அவரது அறிகுறிகள் உரிய முறையில் கண்கானிப்பதற்கு தவறவிட்டதால் Martha Mills உயிரிந்தார்.

Marthaவின் தாயார், மெரோப், ஊடகத்திற்கு கருத்து வெளியிடுகையில், புதிய அமைப்பு உயிர்களைக் காப்பாற்றும் எனவும் தன் மகள் வீணாக இறக்கவில்லை என தான் நம்புவதாகவும் கூறியுள்ளார்.

மார்த்தாவின் கவனிப்பு தாங்கள் கவலை தெரிவித்தபோதும், அவரை தீவிர சிகிச்சைக்கு மாற்றுமாறும் கேட்டபோது அவர் புறக்கணிக்கப்பட்டதாக Marthaவின் தாயாரும் தந்தையும் தெரிவித்துள்ளனர்.

இந்த புதிய திட்டத்தின் கீழ், நோயாளிகள் மற்றும் அவர்களது குடும்பங்களுக்குத் தெரிவிக்கும் சுவரொட்டிகள் மற்றும் துண்டுப் பிரசுரங்களுக்காக பங்கேற்கும் மருத்துவமனைகள் அரசாங்கத்தின் நிதியுதவியைப் பெறும், அவர்கள் சிகிச்சையின் விரைவான மறுபரிசீலனைக்கு முக்கியமான-பராமரிப்பு மருத்துவர்களின் குழுவை நேரடியாகக் கேட்கலாம் என தேசிய சுகாதார சேவை தெரிவித்துள்ளது.

கட்டிடத்தில் உள்ள மற்ற இடங்களில் இருந்து வரும் மூத்த மருத்துவர் அல்லது செவிலியரால் மதிப்பாய்வுகள் மேற்கொள்ளப்படும், அவர் மோசமடைந்து வரும் நோயாளிகளைப் பராமரிப்பதில் நிபுணத்துவம் பெற்றவராக இருப்பார்.

நோயாளியின் நிலை அல்லது நடத்தை பற்றிய குடும்பங்களின் அவதானிப்புகளையும் மருத்துவர்கள் முறையாகப் பதிவு செய்வார்கள்.

தொடர்புடைய செய்திகள்:

வெளியான நவல்னியின் இறப்புச் சான்றிதழ்: குற்றச்சாட்டை மறுக்கும் ரஷ்யா ஐரோப்பிய ஒன்றியத்திற்கு 62,000 டன் சொக்லேட்களை ஏற்றுமதி செய்த சுவிஸ் இண்டர்போல் கைது வாரண்ட் பிறப்பிக்கப்பட்ட முக்கிய குற்றவாளி கிரீஸில் கைது மீண்டும் இங்கிலாந்திற்கு வருகை தந்துள்ள இளவரசர் ஹாரி! ரஷ்ய அதிகாரியின் காரில் வெடிகுண்டு பொருத்திய மர்ம நபர்கள்! நியூ கலிடோனியாவின் சர்வதேச விமான நிலையத்தை மீண்டும் திறக்க நடவடிக்கை!