காட்டு யானை தாக்கியதில் ஒருவர் பரிதாபமாக மரணம்

அனுராதபுரம் மாவட்டம் கஹடகஸ்திகிலிய-திவுல்வெவ பொலிஸ் பிரிவிற்குற்பட்ட பகுதியில் காட்டு யானை தாக்கியதில் நபரொருவர் உயிரிழந்துள்ளதாக திவுல்வெவ பொலிஸார் தெரிவித்துள்ளனர்.

இச்சம்பவம் இன்று (11) இடம் பெற்றுள்ளது.

இவ்வாறு உயிரிழந்தவர் கஹடகஸ்திகிலிய-மஹபொத்தான- பபரஹெல பகுதியைச் சேர்ந்த சிறிவர்தனகே ஜாதக ஸ்ரீவர்த்தன (33வயது) எனவும் பொலிஸார் தெரிவித்துள்ளனர்.

குறித்த நபர் மாடு மேய்ப்பதற்காக அப்பகுதியிலுள்ள குளத்திற்கு சென்றபோது யானை தாக்கியதாகவும் அவர் குறித்த சம்பவ இடத்திலேயே உயிரிழந்து கிடந்துள்ளதாகவும் பொலிஸாரின் ஆரம்பகட்ட விசாரணையின் மூலம் தெரியவந்துள்ளது.

உயிரிழந்தவரின் சடலம் பிரேத பரிசோதனைக்காக கஹடகஸ்திகிலிய வைத்தியசாலைக்கு கொண்டு செல்லப்பட்டுள்ளதாகவும் சம்பவம் தொடர்பில் விசாரணைகளை முன்னெடுத்து வருவதாகவும் திவுல்வெவ பொலிஸார் தெரிவித்துள்ளனர்.

தொடர்புடைய செய்திகள்:

இலங்கையில் வரலாறு காணாத அளவுக்கு இஞ்சியின் விலை உயர்வு மெல்பேர்னில் அவசரமாக தரையிறக்கப்பட்ட ஸ்ரீலங்கன் ஏர்லைன்ஸ் விமானம்! கம்பஹாவில் வளர்ப்பு நாயை எரித்துக் கொன்றவர் கைது! தமிழ் மொழியில் புகாரளிக்க இலங்கையில் விசேட தொலைப்பேசி இலக்கம் அறிமுகம்! கடும் வெப்பநிலையால் அவதியுறும் சூடான்! தனுஷ்கோடியில் அகதிகளாக தஞ்சம் அடைந்த சிறுவன் உட்பட இலங்கையர்கள் மூவர்