ஸ்பெயின் வீராங்கனைக்கு முத்தம்… லூயிஸுக்கு 3 ஆண்டுகள் தடை!

ஸ்பெயினின் முன்னாள் கால்பந்து சம்மேளன தலைவா் லூயிஸ் ரூபியால்ஸுக்கு 3 ஆண்டுகள் தடை விதித்து ஃபிஃபா நடவடிக்கை மேற்கொண்டுள்ளது.

ஸ்பெயின் வீராங்கனைக்கு முத்தம் கொடுத்த விவகாரத்தில் இந்த தடை விதிக்கப்பட்டுள்ளது.

கடந்த ஆகஸ்ட் மாதம் நடைபெற்ற இறுதி ஆட்டத்தில் ஸ்பெயின் 1-0 கோல் கணக்கில் இங்கிலாந்தை வீழ்த்தி சாம்பியன் பட்டம் வென்றது.

பரிசு வழங்கும் நிகழ்வின்போது மேடைக்கு வந்த ஸ்பெயின் வீராங்கனை ஜெனி ஹொ்மோசோவுக்கு, லூயிஸ் முத்தம் கொடுத்தார்.

இந்த விவகாரம் சா்வதேச அளவில் இது சா்ச்சையானது. இதையடுத்து, ஃபிஃபா ஒழுங்கு நடவடிக்கை குழு விசாரணை நடத்தி அவரை 3 மாதங்களுக்கு இடைநீக்கம் செய்தது. மேலும், தொடர்ந்து ஃபிஃபா விசாரணை நடத்தி வந்தது.

இந்நிலையில், லூயிஸ் ரூபியால்ஸுக்கு 3 ஆண்டுகளுக்கு தடை விதித்து ஃபிஃபா ஒழுங்கு நடவடிக்கைக்குழு இறுதி உத்தரவு பிறப்பித்துள்ளது. ஆனால், தீர்ப்பு குறித்த முழுமையான விவரங்களை ஃபிஃபா இன்னும் வெளியிடவில்லை.

ஸ்பெயின் கால்பந்து சம்மேளன தலைவா் பதவியிலிருந்து செப்டம்பரில் ராஜினாமா செய்த லூயிஸ் ரூபியால்ஸுக்கு எதிராக, ஸ்பெயின் குற்றவியல் நீதிமன்றத்தில் இந்த விவகாரம் தொடா்பாக வழக்கு விசாரணை நடைபெறு வருவதும் குறிப்பிடத்தக்கது.

தொடர்புடைய செய்திகள்:

ஜார்ஜியாவில் ரஷ்ய பாணி சட்டத்தை எதிர்த்து மக்கள் போராட்டம் UPDATE (06) வாக்னர் கைப்பற்றிய பிராந்தியத்தில் போர் நடவடிக்கைகளை ஆரம்பித்த ரஷ்யா! இங்கிலாந்தில் முதியவர்களை குறிவைத்து மோசடி- இந்திய இளைஞருக்கு 8ஆண்டுகள் சிறை! செயின்ட் பீட்டர்ஸ்பர்க் கல்லறையில் அடக்கம் செய்யப்பட்ட வாக்னர் தலைவரின் உடல்