2025 ஆம் ஆண்டு ஏப்ரல் 1 ஆம் திகதி முதல் ஏப்ரல் 15 ஆம் திகதி வரையான காலப்பகுதியில் வீதி விபத்துக்கள் காரணமாக 105 பேர் உயிரிழந்துள்ளதாக இலங்கை காவல்துறை தெரிவித்துள்ளது. இந்த இரண்டு வார காலப்பகுதியில் நாடு முழுவதிலும் தனித்தனியான சம்பவங்களில் இந்த மரணங்கள் இடம்பெற்றுள்ளன. மேலும் அசம்பாவிதங்கள் ஏற்படாமல் தடுக்க, குறிப்பாக பண்டிகைக் காலங்களில், வாகன ஓட்டிகள் மற்றும் பாதசாரிகள் சாலை பாதுகாப்பு விதிகளை கடைபிடிக்குமாறு அதிகாரிகள் வலியுறுத்தியுள்ளனர்.

கடந்த மார்ச் 3 ஆம் திகதி முதல் நேற்று (16) வரை, தேர்தல் புகார்கள் தொடர்பாக 18 வேட்பாளர்கள் கைது செய்யப்பட்டுள்ளனர். குறித்த காலகட்டத்தில் 62 கட்சி ஆதரவாளர்களும் 14 வாகனங்களும் காவல்துறையினரால் கைப்பற்றப்பட்டுள்ளதாக காவல்துறை ஊடகப் பிரிவு அறிக்கை வெளியிட்டுள்ளது. இதற்கிடையில், தேர்தல் தொடர்பான 38 குற்றவியல் புகார்களும், தேர்தல் சட்டங்களை மீறியதாக 138 புகார்களும் பதிவாகியுள்ளன.

எதிர்வரும் ஜூன் மாதம் முதல் மேலும் 400,000 குடும்பங்களுக்கு அஸ்வெசும நன்மையை வழங்க அரசாங்கம் முடிவு செய்துள்ளதாக ஜனாதிபதி அனுரகுமார திசாநாயக்க தெரிவித்துள்ளார். மன்னார் பகுதியில் இன்று (17) நடைபெற்ற மக்கள் பேரணியில் உரையாற்றும் போதே ஜனாதிபதி இவ்வாறு தெரிவித்தார். இதன்போது மேலும் கருத்து வெளியிட்டுள்ள அவர், பொதுப் பணியில் தமிழ் பேசுபவர்கள் பற்றாக்குறை உள்ளது எனவும் சுட்டிக்காட்டியுள்ளார். இதே நிலைமை காவல்துறையிலும் இருப்பதாக தெரிவித்த ஜனாதிபதி 2000 வேலைவாய்ப்புகள் உள்ளதாகவும், தமிழ் தெரிந்த உங்கள் குழந்தைகளை […]