கடந்த மார்ச் 3 ஆம் திகதி முதல் நேற்று (16) வரை, தேர்தல் புகார்கள் தொடர்பாக 18 வேட்பாளர்கள் கைது செய்யப்பட்டுள்ளனர். குறித்த காலகட்டத்தில் 62 கட்சி ஆதரவாளர்களும் 14 வாகனங்களும் காவல்துறையினரால் கைப்பற்றப்பட்டுள்ளதாக காவல்துறை ஊடகப் பிரிவு அறிக்கை வெளியிட்டுள்ளது. இதற்கிடையில், தேர்தல் தொடர்பான 38 குற்றவியல் புகார்களும், தேர்தல் சட்டங்களை மீறியதாக 138 புகார்களும் பதிவாகியுள்ளன.

எதிர்வரும் ஜூன் மாதம் முதல் மேலும் 400,000 குடும்பங்களுக்கு அஸ்வெசும நன்மையை வழங்க அரசாங்கம் முடிவு செய்துள்ளதாக ஜனாதிபதி அனுரகுமார திசாநாயக்க தெரிவித்துள்ளார். மன்னார் பகுதியில் இன்று (17) நடைபெற்ற மக்கள் பேரணியில் உரையாற்றும் போதே ஜனாதிபதி இவ்வாறு தெரிவித்தார். இதன்போது மேலும் கருத்து வெளியிட்டுள்ள அவர், பொதுப் பணியில் தமிழ் பேசுபவர்கள் பற்றாக்குறை உள்ளது எனவும் சுட்டிக்காட்டியுள்ளார். இதே நிலைமை காவல்துறையிலும் இருப்பதாக தெரிவித்த ஜனாதிபதி 2000 வேலைவாய்ப்புகள் உள்ளதாகவும், தமிழ் தெரிந்த உங்கள் குழந்தைகளை […]

இலங்கையில் கடன் அட்டைகளின் பாவனை 2025 ஆம் ஆண்டு பெப்ரவரி மாதத்தில் அதிகரிப்பைப் பதிவு செய்துள்ளது. இலங்கை மத்திய வங்கியின் தரவுகள் இதனை தெரிவிக்கின்றன. கடந்த ஜனவரி மாதம் 2,018,996 ஆக இருந்த கடன் அட்டைகளின் பயன்பாடு பெப்ரவரி மாதம் 2,020,766 ஆக அதிகரித்துள்ளது. இது 0.1 சதவீத அதிகரிப்பாகும். அத்துடன் இந்த ஆண்டின் முதல் இரண்டு மாதங்களில் பாவனையிலுள்ள கடன் அட்டைகள் 0.6 சதவீதம் அதிகரிப்பைப் பதிவு செய்துள்ளது.