நெதர்லாந்தின் ஹேக் நகரத்தில் உள்ள சர்வதேச குற்றவியல் நீதிமன்றத்தின் (ICC) மீது ஏவுகணைத் தாக்குதல் நடத்தப் போவதாக முன்னாள் ரஷ்ய அதிபர் மிரட்டல் விடுத்துள்ளார். ரஷ்யாவின் பாதுகாப்பு கவுன்சிலின் துணைத் தலைவரான ரஷ்யாவின் முன்னாள் அதிபர் டிமிட்ரி மெத்வதேவ் திங்களன்று, சர்வதேச குற்றவியல் நீதிமன்றத்தை ஏவுகணை வீசி தாக்கவுள்ளதாக அச்சுறுத்தினார்.அதிபர் விளாடிமிர் புடினுக்கு எதிராக சர்வதேச குற்றவியல் நீதிமன்றம் கைது வாரண்ட் பிறப்பித்ததை அடுத்து அவர் இந்த மிரட்டலை விடுத்துள்ளார். உக்ரைனில் நடந்த போர்க்குற்றங்களுக்கு புடின் மீது […]

ரஷ்யாவின் உயர்மட்ட பல்கலைக்கழகங்கள் ஒன்றில் மாணவர்கள் அணித்திரட்டல் உத்தரவுகளில் கையொப்பமிடாத பட்சத்தில் அவர்களின் டிப்ளோமாக்கள் மறுக்கப்படும் எனக் கூறப்பட்டுள்ளதாக செய்தி ஒன்று வெளியாகியுள்ளது. இதன்படி மொஸ்கோ ஏவியேஷன் இன்ஸ்டிட்யூட்டில் இருந்து வருங்கால பட்டதாரிகள், இராணுவத்தில் சேர ஒப்புக்கொள்ளும் வரை தங்கள் சான்றிதழ்களில் கையொப்பமிடுவதில்லை எனக் கூறியுள்ளனர். ரஷ்யாவின் இந்த நடவடிக்கை பரந்த அணிதிரட்டல் திட்டத்தின் ஒரு பகுதியாக நம்பப்படுகிறது. இது நாடு முழுவதும் ஆயிரக்கணக்கான இளைஞர்களை இராணுவத்திற்கு அழைப்பு விடுத்துள்ளமை குறிப்பிடத்தக்கது.

கடந்த 24 மணி நேரத்தில் ரஷ்ய படையினர் 21 வான்வழித் தாக்குதல்களையும் ஒன்பது ஏவுகணை தாக்குதல்களையும் நடத்தியுள்ளதாக உக்ரைன் பொதுப் பணியாளர்கள் தெரிவித்துள்ளனர். இது குறித்து  ஃபேஸ்புக்கில் பகிரப்பட்ட ஒரு செய்தியில், டொனெட்ஸ்க் பிராந்தியத்தில் உள்ள ஸ்லோவியன்ஸ்க் மற்றும் கிராமடோர்ஸ்க்கை குறிவைத்து தாக்குதல்கள் நடத்தப்பட்டதாக தெரிவிக்கப்பட்டுள்ளது. இந்த தாக்குதலில்  இரண்டு நகரங்களிலும் உள்கட்டமைப்பு சேதமடைந்துள்ளது, ஆனால் இரண்டு குடிமக்கள் உயிரிழந்துள்ளதாக கூறப்படுகிறது. வான்வழித் தாக்குதல்கள் மற்றும் ஏவுகணை ஏவுதல்களுக்கு மேல், 57 க்கும் மேற்பட்ட ராக்கெட் தாக்குதல்களையும் […]

ரஷ்யா மீதான போர்குற்றங்கள் குறித்த விசாரணைகளுக்கு ஆதரவு வழங்குவது தொடர்பில் விவாதிக்க நீதியமைச்சர்கள் ஒன்றுக்கூடியுள்ளனர். இதன்படி உலகம் முழுவதும் உள்ள நீதி அமைச்சர்கள் இன்று பிற்பகல் லண்டனில் ஒன்றுக்கூடியுள்ளனர். இது குறித்து நீதித்துறை செயலர் டொமினிக் ராப் கூறுகையில், நீதி கிடைக்கும் வரை நீதிமன்றத்திற்கு நிதி மற்றும் நிபுணத்துவத்தை அரசாங்கம் தொடர்ந்து வழங்கும் எனத் தெரிவித்தார். மேலும் இந்த அநியாயமான, தூண்டுதலற்ற மற்றும் சட்டவிரோதமான படையெடுப்பின்போது உக்ரைனில் நடந்த அட்டூழியங்களுக்கு போர்குற்றவாளிகளை பொற்றுப்பேற்க வேண்டும் என்ற காரணத்திற்காக […]

ரஷ்யாவால் சிறைப்பிடிக்கப்பட்ட ஆயிரக்கணக்கான கைதிகள் ரஷ்ய அதிபர் புட்டினின் ஒப்புதலுடன் விடுவிக்கப்படவுள்ளதாக தகவல் வெளியாகியுள்ளது. பிரித்தானிய பாதுகாப்பு அமைச்சகம் வெளியிட்டுள்ள சமீபத்திய தகவலில் இந்த விடயம் குறிப்பிடப்பட்டுள்ளது. இதன்படி வாக்னர் குழுவால் சிறைப்பிடிக்கப்பட்ட கைதிகளை விடுவிப்பதில் கவனம் செலுத்தப்படவுள்ளதாக தகவல் வெளியாகியுள்ளது. இது குறித்து கருத்து வெளியிட்டுள்ள வாக்னர் குழு, ஆறு மாதக் கால சேவைகளுக்கு பிறகு இந்த கைதிகளுக்கு விடுதலை எனத் தெரிவித்துள்ளார். இதற்கு புட்டின் ஒப்புதல் அளித்துள்ளதாகவும் அவர்கள் கூறியுள்ளனர்.  

கோடீஸ்வரரான ஊடகத்துறை ஜாம்பவான் ஒருவர் தனது 92ஆவது வயதில் ஐந்தாவது முறையாக திருமணம் செய்ய இருக்கிறார். பிரித்தானிய வம்சாவளியினரான Rupert Murdoch (92), அவுஸ்திரேலியாவில் பிறந்தவர்.தற்போது அவர் அமெரிக்கக் குடிமகன் ஆவார். உலக நாடுகள் பலவற்றில் பல்வேறு ஊடக நிறுவனங்களை நடத்திவருகிறார் Rupert Murdoch.2022ஆம் ஆண்டு நிலவரப்படி, அவரது சொத்து மதிப்பு 21.7 பில்லியன் அமெரிக்க டொலர்கள் ஆகும். Rupert Murdoch, 1956ஆம் ஆண்டு, Patricia Booker என்னும் பெண்ணை திருமணம் செய்தார். தம்பதியருக்கு ஒரு மகள். […]

ஐரோப்பிய ஒன்றியத்தின் குழுவினர்கள் கூட்டு வெடிமருந்து ஒப்பந்தத்தில் கையெழுத்திடாவிட்டால், உக்ரைனுக்கு ஆயுதங்களை வழங்குவதில் சிக்கல் ஏற்படும் என ஐரோப்பிய ஒன்றியத்தின் வெளியுறவுத்துறை கொள்கைத் தலைவர் ஜோசப் பொரல் எச்சரிக்கை விடுத்துள்ளார். இந்த ஒப்பந்தத்தின் மூலம் ஒரே அளவில் அனைத்து நாடுகளும் வெடிமருந்துகளை கொள்வனவு செய்வதை காணலாம் என்றும் அவர் கூறினார். இதன்மூலம் மாநிலங்களுக்கு இடையேயான போட்டியை குறைப்பதற்கு வழிவகுக்கும் என்றும் அவர் குறிப்பிட்டுள்ளார்.

ரஷ்ய அதிகாரிகள் ஆப்பில் ஐபோன்களை பயன்படுத்துவதற்கு தடை விதிக்கப்பட்டுள்ளது. பாதுகாப்பு காரணங்களுக்காக இந்த நடவடிக்கை மேற்கொள்ளப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன. ஜனாதிபதி நிர்வாகத்தின் முதல் துணைத் தலைவர் செர்ஜி கிரியென்கோ, மேற்கத்தேய புலனாய்வு அமைப்புகளால் தொலைப்பேசிகள் பாதிக்கப்படலாம் எனத் தெரிவித்துள்ளார். ஸ தடை உத்தரவின் படி இந்த நடைமுறை வரும் ஏப்ரல் மாதம் முதலாம் திகதியில் இருந்து நடைமுறைக்கு வரலாம் எனத் தெரிவிக்கப்பட்டுள்ளது. இந்த தகவல்களுக்கு ஆப்பிள் பதிலளிக்கவில்லை என்பதும் குறிப்பிடத்தக்கது.

ரஷ்யாவிலிருந்து ஐரோப்பாவிற்கு எரிவாயு கொண்டுசெல்லும் எரிவாயுக் குழாய்களை சேதப்படுத்தியது அமெரிக்காதான் என பிரான்ஸ் தரப்பிலிருந்து ஒரு பரபரப்புக் குற்றச்சாட்டு முன்வைக்கப்பட்டுள்ளது. 2022ஆம் ஆண்டு, செப்டம்பர் மாதம், ரஷ்யாவிலிருந்து ஜேர்மனி முதலான ஐரோப்பிய நாடுகளுக்கு எரிவாயு கொண்டு செல்லும் Nord Stream 1 மற்றும் 2 என்னும் இரண்டு எரிவாயுக் குழாய்கள் சேதப்படுத்தப்பட்டன.இந்நிலையில், அந்த எரிவாயுக் குழாய்களை சேதப்படுத்தியது அமெரிக்காதான் என பிரான்ஸ் வலதுசாரிக் கட்சியான The Patriots கட்சியின் தலைவரான Florian Philippot பரபரப்பு குற்றச்சாட்டு ஒன்றை […]

ரஷ்யாவின் வசந்தகால தாக்குதல்கள் தோல்வியடைந்துள்ளதாக இராணுவ ஆய்வாளர்கள் தெரிவித்துள்ளனர். அவர்களின் கூற்றுப்படி, ரஷ்யாவின் ஸ்பிரிங் தாக்குதல் அதன் உச்சக்கட்டத்தை அடைவதற்கு முன்பே தோல்வியடைந்துள்ளதாக கூறப்படுகிறது. அதன் படைகள் செப்டம்பர் முதல் 3 இலட்சம் துருப்புகள் வலுப்படுத்தப்பட்டு பாக்முட் மற்றும் வுஹ்லேடார் பகுதிகளுக்கு அனுப்பப்பட்டதாக தெரிவித்துள்ள அதிகாரிகள். தாக்குதல்கள் தோல்வியடைந்துள்ளதாக குறிப்பிட்டுள்ளனர். அத்துடன் டொனஸ்க் நகரின் தெற்கு பகுதியில் ரஷ்ய படையினர் கடுமையான இழப்புகளை சந்தித்ததாகவும் இது ரஷ்யாவின் தாக்குதல்களை குறைமதிப்பிற்கு உட்படுத்தியுள்ளதாகவும் தெரிவிக்கப்பட்டுள்ளது.