செயின்ட் பீட்டர்ஸ்பர்க் குண்டுவெடிப்பின் பின்னணியில் உக்ரைனின் உளவுத்துறையினர் இருப்பதாக ரஷ்யா குற்றம் சாட்டியுள்ளது. ரஷ்யாவின் டாஸ் செய்திநிறுவனம் வெளியிட்டுள்ள செய்தின்படி, குறித்த குண்டுவெடிப்பில் உக்ரேனிய புலனாய்வு அதிகாரிகள் இருப்பதாக தெரிவித்துள்ளது. சிறையில் அடைக்கப்பட்டிருக்கும் கிரெம்ளின் எதிர்கட்சி பிரமுகர் அலெக்ஸி நவல்னியால் அமைக்கப்பட்ட ஊழல் எதிர்ப்பு அறக்கட்டளையின் முகவர்கள் இந்த தாக்குதலை நடத்த உதவியதாக குற்றம் சாட்டியுள்ளனர். கிரெம்ளின் இந்த தாக்குதலை பயங்கரவாத செயல் என விமர்சித்துள்ளது.  

பிரித்தானியாவில் கடவுச்சீட்டு விநியோக ஊழியர்கள், ஐந்து வார வேலைநிறுத்தத்தை அறிவித்துள்ளனர். இரட்டை இலக்க பணவீக்கத்திற்கு பதிலளிக்கும் வகையில், ஊதிய உயர்வு கோரி குறித்த வேலை நிறுத்தம் அறிவிக்கப்பட்டுள்ளது. கோடை விடுமுறைக்கு தயாராகும் வகையில் பிரித்தானியர்கள் தங்கள் பயண ஆவணங்களை புதுப்பிக்க முற்படுகையில், இந்த அறிவிப்பு வெளியாகியுள்ளது. சுமார் 1000 ஊழியர்கள் வெளியேறியுள்ளதாக கூறப்படுகின்ற நிலையில், கடவுச்சீட்டை பெற 10 வாரங்கள் வரை செல்லும் என அரசாங்கம் அறிவித்துள்ளது.

ஈரானிய வெளியுறவு அமைச்சர் ஹொசைன் அமீர்-அப்துல்லாஹியன் மற்றும் சவுதி அரேபிய இளவரசர் பைசல் பின் ஃபர்ஹான் அல் சவுத் ஆகியோர் வரும் நாட்களில் சந்திக்க இணக்கம் தெரிவித்துள்ளதாக தெரிவிக்கப்படுகின்றது. ஈரானிய வெளியுறவு அமைச்சர் இருதரப்பு உறவின் நேர்மறையான போக்கில் திருப்தி உள்ளதென  தெரிவித்துள்ளார். ஈரானிய வெளியுறவு அமைச்சகத்தின் இணையதளத்தின்படி, தெஹ்ரானின் நல்ல அண்டை நாடு கொள்கையை மேம்படுத்துவதற்கான உறுதியையும் வெளிப்படுத்தியுள்ளார். சவூதி வெளியுறவு அமைச்சர், தனது பங்கிற்கு, இரு நாடுகளின் அதிகாரிகளுக்கு இடையே நிலையான தொடர்பு மற்றும் […]

கிழக்கு டொனெட்ஸ்க் பிராந்தியத்தில் உள்ள கோஸ்ட்யாண்டினிவ்கா நகரின் மீது ரஷ்ய நடத்திய ஏவுகணை தாக்குதலில், 6 பேர் உயிரிழந்துள்ளதாகவும், 9 பேர் காயமடைந்துள்ளதாகவும் அதிகாரிகள் தெரிவித்துள்ளனர். தனது அதிகாரப்பூர்வ டெலிகிராம் சேனலில் வெளியிட்ட செய்தியில்.  ரஷ்யப் படைகள் எஸ் -300 ஏவுகணைகளை வீசி தாக்குதல் நடத்தியதாக பாவ்லோ கைரிலென்கோ கூறினார். இத்தாக்குதலில் 17 உயரமான கட்டிடங்கள் 18 வீடுகள் மற்றும் ஒரு மருத்துவமனை ஆகியவை அழிக்கப்பட்டன. மூன்று ராக்கெட்டுகளால் தாக்கப்பட்ட அவ்திவ்கா உட்பட கடந்த 24 மணி […]

மொண்டினீக்ரோவின் முன்னாள் பொருளாதார அமைச்சர் ஜகோவ் மிலாடோவிக், தான் ஜனாதிபதித் தேர்தலில் வெற்றிபெற்றதாக அறிவித்துள்ளார். நீண்ட காலமாக தற்போதைய பதவியில் இருந்த மிலோ டிஜுகனோவிச்சை எதிர்த்து, சிறிய பால்கன் குடியரசில் மூன்று தசாப்தங்களுக்கும் மேலான அவரது ஆட்சி முடிவுக்கு வந்தது எனவும் கூறியுள்ளார். ஐரோப்பா நவ் இயக்கத்தின் துணைத் தலைவரான 37 வயதான மேற்கத்திய கல்வி கற்ற மிலாடோவிக், ஊழலைக்  கட்டுப்படுத்தவும், வாழ்க்கைத் தரத்தை மேம்படுத்தவும், ஐரோப்பிய ஒன்றியம் மற்றும் சக முன்னாள் யூகோஸ்லாவியக் குடியரசு செர்பியாவுடனான […]

உக்ரைன் அதிபர் வொலோடிமிர் செலன்ஸ்கி வரும் புதன் கிழமை போலந்துக்கு பயணமாகவுள்ளார். இந்த விஜயத்தின்போது போலந்து அதிபர் டுடாவை சந்திக்கும் அவர், பாதுகாப்பு நிலைமை, பொருளாதாரம், அரசியல் தீர்வு உள்ளிட்ட முக்கிய விடயங்கள் குறித்து ஆராயவுள்ளதாக தகவல் வெளியாகியுள்ளது. அதேநேரம் போலந்தில் தஞ்சமடைந்துள்ள உக்ரைன் பிரஜைகளையும் அவர் சந்திக்கவுள்ளதாக தகவல் வெளியாகியுள்ளது. போலந்தும், உக்ரைனும் வரலாற்று ரீதியாக உறவு கொண்டுள்ளதுடன், போரின்போது 1 மில்லியன் உக்ரைன் மக்கள் போலந்திற்கு இடம்பெயர்ந்துள்ளமை குறிப்பிடத்தக்கது.

பின்லாந்து நாட்டில் பிரதமராக சன்னா மரீன் (37) இருந்து வருகிறார். அந்நாட்டின் மிக இளம் வயது பிரதமர் என்ற பெருமையை அவர் பெற்றுள்ளார். பெண் பிரதமரான அவர் மக்களிடம் அதிக செல்வாக்குடன் காணப்பட்டார். எனினும், அந்நாட்டின் கடன் அதிகரித்து உள்ளது என ஆர்ப்போ உள்ளிட்ட எதிர்க்கட்சி தலைவர்களால் குற்றச்சாட்டு எழுப்பப்பட்டது. தொடர்ந்து பொது செலவினங்கள் குறைக்கப்பட வேண்டும் என்றும் வாதிட்டது. இந்த நிலையில், பின்லாந்து நாட்டின் நாடாளுமன்ற தேர்தல் நேற்று நடந்து முடிந்தது. இதில், பெட்டேரி ஆர்ப்போ […]