ஈரானில் உள்ள மூத்த இராணுவ அதிகாரிகள், வரும் நாட்களில் பிராந்தியத்தில் ஏற்படும் மோதல் “அமெரிக்க தளங்களுக்கும் பரவும்” என்று எச்சரித்துள்ளனர். இஸ்ரேல் மீதான பழிவாங்கும் தாக்குதல்கள் தொடரும் என்று அதிகாரிகள் எச்சரித்ததாக ஈரானின் ஃபார்ஸ் செய்தி நிறுவனம் தெரிவித்துள்ளது. “இந்த மோதல் நேற்றிரவு வரையறுக்கப்பட்ட நடவடிக்கைகளுடன் முடிவடையாது, ஈரானின் தாக்குதல்கள் தொடரும்” என்று பெயர் குறிப்பிடப்படாத ஒரு அதிகாரி கூறியதாக ஃபார்ஸ் மேற்கோளிட்டுள்ளது. “இந்த நடவடிக்கை ஆக்கிரமிப்பாளர்களுக்கு மிகவும் வேதனையாகவும் வருத்தமாகவும் இருக்கும்.” எனவும் அதில் தெரிவிக்கப்பட்டுள்ளது.

ஈரான் – இஸ்ரேலிய பதற்றங்களுக்கு மத்தியில் லெபனான் தனது வான்வெளியை மீண்டும் திறக்கவுள்ளதாக அறிவித்துள்ளது. ஸ இஸ்ரேலும் ஈரானும் ஒன்றையொன்று ஏவுகணைகளால் தாக்கியதால், இப்பகுதியில் விமானங்கள் நிறுத்தப்பட்டன. முன்னதாக, உள்ளூர் நேரப்படி காலை 7:30 மணிக்கு ஜோர்டான் தனது வான்வெளியை மீண்டும் திறந்தது. ஜோர்டானின் தலைநகர் அம்மானில்   மக்கள் வெளியேற துடித்ததால் விமான நிலையம் குழப்பத்தில் இருந்ததாகவும் அந்நாட்டு ஊடகங்கள் செய்தி வெளியிட்டுள்ளன.

இஸ்ரேல் மீது ஈரான் தொடர்ச்சியாக ஏவுகணை தாக்குதல்களை மேற்கொண்டுள்ளது. இந்த நிலையில் இரண்டு இஸ்ரேலியர்கள் கொல்லப்பட்டுள்ளனர் மேலும் 20 இஸ்ரேலியர்கள் காயமடைந்துள்ளனர் என இஸ்ரேலின் அவசரசேவை தெரிவித்துள்ளது. சைரன் எச்சரிக்கைக்கு பின்னர் துணைமருத்துவ குழுவினர் ரொக்கட் தாக்குதல் இடம்பெற்ற பகுதிக்கு அனுப்பப்பட்டனர். பத்துபேருக்கு காயங்கள் ஏற்பட்டுள்ளன என இஸ்ரேலின் அவசரசேவை தெரிவித்துள்ளது. இஸ்ரேலிய தலைநகரிலிருந்து ரிசோன் லெசியோன் என்ற பகுதியில் வீடுகளை ஏவுகணைகள் தாக்கின என மகென் டேவிட் அலெம் அம்புலன்ஸ் சேவை தெரிவித்துள்ளது.