தலவத்துகொட பகுதியில் இடம்பெற்ற துப்பாக்கிச் சூட்டு சம்பவத்தில் ஒருவர் காயமடைந்துள்ளதாக பொலிஸார் தெரிவித்துள்ளனர். அதன்படி, தலவத்துகொட வெலிபாரா பகுதியில் உயிரிழந்தவரின் வீடொன்றில் துப்பாக்கிச் சூடு நடத்தப்பட்டுள்ளதாக தெரிவிக்கப்படுகிறது. துப்பாக்கிச் சூடு நடத்தியவர்களை கைது செய்வதற்கான விசாரணைகள் முன்னெடுக்கப்பட்டு வரும் நிலையில், பாதிக்கப்பட்ட நபர் சிகிச்சைக்காக ஸ்ரீ ஜயவர்தனபுர வைத்தியசாலைக்கு கொண்டு செல்லப்பட்டுள்ளதாக பொலிஸார் மேலும் தெரிவித்துள்ளனர். துப்பாக்கிச் சூடு தொடர்பான மேலதிக விசாரணைகள் மற்றும் தாக்குதல் நடத்தியவர்களை கைது செய்தமை தொடர்பில் தலங்கம பொலிஸார் மேற்கொண்டு வருகின்றனர்.

இலங்கை மத்திய வங்கியின் மாற்று விகிதங்களின்படி, ரூபாவிற்கு எதிராக அமெரிக்க டொலர் இன்று (20.07) அதிகரித்துள்ளது. இன்றைய தினம் அமெரிக்க டொலர் ஒன்றின் கொள்வனவு விலை 316.30 ரூபாவாகவும் விற்பனை விலை 330.29 ரூபாவாகவும் பதிவாகியுள்ளது.  

ஜனாதிபதி ரணில் விக்கிரமசிங்க சற்று முன்னர் இந்தியா வந்தடைந்துள்ளதாக தகவல்கள் தெரிவிக்கின்றன. இதன்படி, அரச தலைவரை இந்திய வெளிவிவகார இராஜாங்க அமைச்சர் வி.முரளீதரன் வரவேற்றார். பிரதமர் நரேந்திர மோடியின் அழைப்பின் பேரில் ஜனாதிபதி விக்ரமசிங்க இன்று (ஜூலை 20) உத்தியோகபூர்வ இரண்டு நாள் பயணமாக இந்தியாவிற்கு புறப்பட்டார். 2022ல் பதவியேற்ற பிறகு அண்டை நாட்டிற்கு அவர் மேற்கொண்ட முதல் பயணம் இதுவாகும்.

அனைத்து முதலீடுகளையும் உள்ளடக்கும் வகையில் புதிய முதலீட்டுச் சட்டம் தயாரிக்கப்படும் என பதில் முதலீட்டு ஊக்குவிப்பு அமைச்சர் திலும் அமுனுகம தெரிவித்துள்ளார். இந்த வருட இறுதிக்குள் தேவையான திருத்தங்கள் மேற்கொள்ளப்பட்டால் அடுத்த வருடம் முதல் புதிய சட்டங்கள் அமுல்படுத்தப்படும் எனவும் அமைச்சர் குறிப்பிட்டுள்ளார். ஜனாதிபதி ஊடகப் பிரிவு கேட்போர் கூடத்தில் இன்று (20.07) நடைபெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அமைச்சர் மேற்கண்டவாறு தெரிவித்தார். கைத்தொழில் பூங்காவில் தனிப்பட்ட முறையில் முதலீடு செய்ய […]

கடந்த கால ஜனாதிபதி ஆட்சிமுறையில் தமிழ் மக்களுக்கு கிடைத்துள்ள பொன்னான சந்தர்ப்பம் ஜனாதிபதி ரணில் விக்ரமசிங்க ஆகும். அவருக்கு தமிழ் மக்களின் பிரச்சினைக்கான தீர்வினை முன்வைக்க நினைத்தாலும் அதனை குழப்பும் வகையில் தமிழ் தலைமைகள் செயற்படுவதாக ஈழவர் ஜனநாயக முன்னணியான ஈரோஸின் செயலாளர் நாயகம் க.பிரபாகரன் தெரிவித்துள்ளார். இன்று மட்டு. ஊடக அமையத்தில் நடைபெற்ற ஊடகவியலாளர் சந்திப்பின்போதே அவர் இதனை தெரிவித்துள்ளார். மேலும் ”தமிழ் மக்களுக்கான தீர்வானது சம்பந்தர் ஐயாவுக்கும் சுமந்திரனுக்கான தீர்வு அல்ல.இவர்கள் இருவரும் நிராகரிக்கப்பட […]