புதிய மின்சார சட்டத்தின் இறுதி வரைவு அடுத்த வாரம் சட்டமா அதிபர் திணைக்களம் மற்றும் சட்ட வரைவு ஆசிரியரிடம் ஒப்படைக்கப்படவுள்ளதாக மின்சக்தி மற்றும் எரிசக்தி அமைச்சர் காஞ்சன விஜேசேகர தெரிவித்துள்ளார். மொழிபெயர்ப்பு மற்றும் சான்றிதழ் நோக்கங்களுக்காக குறித்த வரைவு சட்டம் சமர்பிக்கப்படவுள்ளதாக கூறப்படுகிறது. இலங்கை மின்சார சபையின் சீர்திருத்தக் குழு,  அபிவிருத்தி முகவர்களால் வழங்கப்பட்ட சட்ட மற்றும் ஆற்றல் ஆலோசகர்களுடன் தொடர்புடைய சீர்திருத்தங்களுக்கு உதவுவதற்காக புதிய சட்டத்தின் இறுதி வரைவு குறித்து ஜனாதிபதி அலுவலகத்தில் கலந்துரையாடல் நடத்தப்பட்டது. […]

கண்டி நகரை நோக்கிப் பேரணியில் ஈடுபட்ட பேராதெனிய பல்கலைக்கழக மாணவர்களை கலைக்க பொலிஸார் கண்ணீரப்புகை தாக்குதல் மேற்கொண்டுள்ளனர்.

புத்தளம் மாவட்ட பாராளுமன்ற உறுப்பினர் அலி சப்ரி ரஹீம் இலங்கை சுங்கப் பிரிவினரால் கைது செய்யப்பட்டுள்ளார். இவர் வெளிநாட்டில் இருந்து இலங்கை திரும்பிய போது கட்டுநாயக்க விமான நிலையத்தில் வைத்து மூன்றரை கிலோ தங்கத்துடன் சுங்க அதிகாரிகளால் கைது செய்யப்பட்டுள்ளார்.

ஜனாதிபதி ரணில் விக்கிரமசிங்க தலைமையிலான ஐக்கிய தேசியக்கட்சியில் அதிரடியான மாற்றமொன்று மேற்கொள்ளப்பட்டுள்ளது. கட்சியின் கொழும்பு மேற்கு அமைப்பாளராக கட்சியின் தேசிய அமைப்பாளர் சாகல ரத்னாயக்க நியமிக்கப்பட்டுள்ளார்.