இந்த வருடத்தின் இதுவரையான காலப்பகுதியில் மத்திய வங்கி 1,671 மில்லியன் அமெரிக்க டொலர்களை சந்தையின் ஊடாக கொள்வனவு செய்துள்ளதாக மத்திய வங்கி ஆளுநர் தெரிவித்துள்ளார். மத்திய வங்கியின் ஆளுநர் கலாநிதி நந்தலால் வீரசிங்க இன்று (01) நடைபெற்ற ஊடகவியலாளர் சந்திப்பில் இதனைத் தெரிவித்தார். மே மாதத்தில் 662 மில்லியன் டாலர்கள் வாங்கப்பட்டதாகவும், இது ஒரு மாதத்திy; வாங்கப்பட்ட டொலரின் பெறுமதியில் அதிகபட்ச மதிப்பாகும் என்றும் அவர் மேலும் குறிப்பிட்டார்.

பங்களாதேஷில் இருந்து பெறப்பட்ட  கடனை ஆகஸ்ட் – செப்டம்பர் மாதத்திற்குள் செலுத்த   எதிர்பார்க்கப்படுவதாக மத்திய வங்கியின் ஆளுநர் தெரிவித்துள்ளார். இன்று (01) இடம்பெற்ற ஊடகவியலாளர் சந்திப்பில் அவர் இதனைத் தெரிவித்தார். இலங்கை கடந்த 2021 ஆம் ஆண்டு டிசம்பர் மாதம்  மூன்று மாதங்களுக்குள் செலுத்தும் வகையில் பங்களாதேஷிடம் இருந்து 200 மில்லியன் டொலர்களை கடனாக பெற்றுக்கொண்டது.  

பேருந்து கட்டணங்களை குறைப்பது குறித்து ஜூலை மாதம் ஆராய்வதற்கான வாய்ப்புகள் உள்ளதாக கெமுனு விஜயரட்ண தெரிவித்துள்ளார். கடந்த மாதம் இடம்பெற்ற எரிபொருள் கட்டண குறைப்பை அடிப்படையாக கொண்டு பேருந்து கட்டணங்களை குறைப்பது குறித்து ஆராயலாம் என அவர் தெரிவித்துள்ளார். கடந்த மாதம் டீசல் விலை 15 ரூபாவினால் குறைக்கப்பட்டதை சுட்டிக்காட்டியுள்ள கெமுனு விஜயரட்ண ஜூலை 1ஆம் திகதி இடம்பெறவுள்ள கட்டண மறு ஆய்வின்போது இந்த நன்மையை பொதுமக்களுக்கு வழங்குமாறு கேட்டுக்கொள்ளவுள்ளதாக தெரிவித்துள்ளார்.