யாழ்ப்பாணம் – பாசையூர் பகுதியில் உள்ள பாழடைந்த வீட்டில் இருந்து ஜெலட்டின் குச்சிகள் மீட்கப்பட்டுள்ளதாக அறிவிக்கப்பட்டுள்ளது. விசேட அதிரடிப்படையினருக்கு கிடைக்கப்பெற்ற தகவலை அடுத்து நேற்று (02.07) மேற்கொள்ளப்பட்ட சோதனைகளின்போதே ஜெலட்டின் குச்சிகள் மீட்கப்பட்டுள்ளன. இவ்வாறு  மீட்கப்பட்ட ஜெலட்டின் குச்சிகள் மேலதிக நடவடிக்கைகளுக்காக யாழ்ப்பாண பொலிசாரிடம் ஒப்படைக்கப்பட்டுள்ளது.  

தனமல்வில – ரணவர பிரதேசத்தில் வசிக்கும் யுவதி ஒருவரை தாக்கிய பொலிஸ் கான்ஸ்டபிள் ஒருவர் பணியில் இருந்து இடைநிறுத்தப்பட்டுள்ளதாக பொலிஸ் தலைமையகம் தெரிவித்துள்ளது. தாக்குதலிற்கு உள்ளான குறித்த யுவதி கான்ஸ்டபிளின் காதலி எனவும் தெரிவிக்கப்பட்டுள்ளது. கிளிநொச்சி பொலிஸ் பிரிவில் கடமையாற்றும் பயிலுநர் பொலிஸ் கான்ஸ்டபிள் ஒருவரே இவ்வாறு பணி இடைநிறுத்தப்பட்டுள்ளார். சம்பவம் குறித்த விசாரணைகள் முன்னெடுக்கப்பட்டு வருகின்றன.

மன்னார் கட்டுக்கரை குளத்தில் நேற்று ஞாயிற்றுக்கிழமை(2) வள்ளம் ஒன்றில் மீன் பிடிக்கச் சென்ற 2 மீனவர்கள் காணாமல் போன நிலையில் ஒரு மீனவர் சடலம் இன்று திங்கட்கிழமை(3) காலை சடலமாக மீட்கப்பட்டுள்ளார். சடலமாக மீட்கப்பட்ட மீனவர் பரப்பாங்கண்டல் பகுதியைச் சேர்ந்த 4 பிள்ளைகளின் தந்தையான விசுவா (57) என தெரிய வந்துள்ளது.காணாமல் போன மற்றைய மீனவரான பரப்பாங்கண்டல் பகுதியைச் சேர்ந்த விசுவாசம் சந்திரகுமார் பர்னாந்து (37) தீவிரமாக தேடி வருகின்றனர். குறித்த இரு மீனவர்களும் நேற்று (2) […]