திங்கட்கிழமை (ஜூன் 23) இரவு அமெரிக்க அதிபர் டோனல்ட் டிரம்ப் இஸ்ரேலுக்கும் ஈரானுக்கும் இடையே போர் நிறுத்த உடன்பாடு ஏற்பட்டுள்ளதாக அறிவித்தார்.இதனால் இஸ்ரேலுக்கும் ஈரானுக்கும் இடையே நடந்துவந்த 12 நாள் போர் முடிவுக்கு வந்தது. போர் நிறுத்த உடன்பாட்டின் படி இருநாடுகளும் தாக்குதல்களில் ஈடுபடக்கூடாது. இந்நிலையில், ஈரான் அடுத்தடுத்து பல ஏவுகணைகளை இஸ்ரேலுக்குள் செவ்வாய்க்கிழமை (ஜூன் 24) பாய்ச்சியதாகக் குற்றஞ்சாட்டியுள்ளது.தலைநகர் டெல் அவிவ், இஸ்ரேலின் தென்பகுதியில் உள்ள பீர்‌ஷெபா பகுதிகளில் கடுமையான வெடிப்புச் சத்தங்கள் கேட்டதாகத் தெரிவிக்கப்பட்டது. […]

தெஹ்ரானைத் தாக்க இராணுவத்திற்கு உத்தரவிட்டதாக இஸ்ரேல் பாதுகாப்பு அமைச்சர் இஸ்ரேல் காட்ஸ் செவ்வாய்க்கிழமை (24.06) தெரிவித்தார். ஈரானிய ஏவுகணைகளை ஏவுவதைக் கண்டறிந்த பிறகு அதைச் சுட்டு வீழ்த்தும் பணியில் ஈடுபட்டுள்ளதாக இஸ்ரேல் இராணுவம் தெரிவித்துள்ளது. ஈரான் மீது ஜூன் 13 அன்று தொடங்கிய குண்டுவீச்சு பிரச்சாரத்தின் அனைத்து இலக்குகளையும் அடைந்த பிறகு போர் நிறுத்தம் அமலில் இருப்பதாக இஸ்ரேல் செவ்வாயன்று கூறியிருந்தது. இஸ்ரேலின் குண்டுவீச்சு நிறுத்தப்பட்டால் பழிவாங்கலை நிறுத்துவதாக ஈரான் உறுதிப்படுத்தியிருந்தது.