சுவிட்சர்லாந்தின் சியோன் நகரில் இன்று (11.12)  இடம்பெற்ற துப்பாக்கிச் சூட்டில் இருவர் உயிரிழந்துள்ளதுடன் மேலும் ஒருவர் காயமடைந்துள்ளதாக பொலிஸார் தெரிவித்துள்ளனர். சுமார் 35,000 பேர் வசிக்கும் நகரமான சியோனில் இரண்டு வெவ்வேறு இடங்களில் அடையாளம் தெரியாத சந்தேக நபர் பல துப்பாக்கிச் சூடு நடத்தியதாக பொலிஸார் தெரிவித்துள்ளனர். இந்த சம்பவம் குறித்த மேலதிக விசாரணைகளை  Valais கன்டோனில் உள்ள பொலிஸார் மேற்கொண்டு வருவதாக அறிவிக்கப்பட்டுள்ளது.

காசாவில் இஸ்ரேல்-ஹமாஸ் போர் வெடித்ததில் இருந்து அதிகரித்து வரும் யூத எதிர்ப்புக்கு எதிராக நேற்று (10.12) ஆயிரக்கணக்கான மக்கள் பெல்ஜியம் மற்றும் ஜேர்மன் தலைநகரங்களில் பேரணி நடத்தினர். இதற்கு முன்பு பாரிஸ் மற்றும் லண்டனில் நடந்த அணிவகுப்புகள் பல்லாயிரக்கணக்கான மக்களை ஈர்த்த நிலையில், பிரஸ்ஸல்ஸ் மற்றும் பேர்லினிலும் போராட்டங்கள் வெடித்தன. குறைந்தது 4,000 பேர் இந்த பேரணிகளில் கலந்து கொண்டதாக காவல்துறை தெரிவித்துள்ளது. இஸ்ரேல் – ஹமாஸ் போரைத் தொடர்ந்து ஐரோப்பிய நாடுகள் பலவற்றில் யூத எதிர்ப்பு […]

கீவ் மீது இன்று (11.12) காலை ரஷ்யா நடத்திய தாக்குதல்களை் முறியடிக்கப்பட்டுள்ளதாக உக்ரைன் அறிவித்துள்ளது. உக்ரைனின் அறிவிப்பின்படி ரஷ்யா 08 வான்வழி தாக்குதல்களை நடத்தியதாகவும், அந்த தாக்குதல்கள் முறியடிக்கப்பட்டுள்ளதாகவும் தெரிவிக்கப்பட்டுள்ளது. உள்ளூர் நேரப்படி (0200 GMT) அதிகாலை 4:00 மணிக்கு “ரஷ்ய படையெடுப்பாளர்கள் கிய்வ் பகுதியில் ஏவுகணைத் தாக்குதலை நடத்தியுள்ளதாக தெரிவிக்கப்பட்டுள்ளது. ஈரானில் தயாரிக்கப்பட்ட 75 ஷாஹெட் ட்ரோன்களை ரஷ்யா ஏவியது என்றும் அவற்றில் 74 வான் பாதுகாப்புகளால் அழிக்கப்பட்டதாகவும் உக்ரைன் பாதுகாப்பு படை தெரிவித்துள்ளது.