தெற்கு அதிவேக நெடுஞ்சாலையின் கஹதுடுவ பகுதியில் லொறி ஒன்று மற்றுமொரு லொறியுடன் மோதி விபத்துக்குள்ளாகியுள்ளது. இதில் லொறியின் சாரதி காயமடைந்த நிலையில், ஹோமாகம ஆதார வைத்தியசாலையில் அனுமதிக்கப்பட்டுள்ளதாக தெரிவிக்கப்படுகிறது. லொறிக்கு பலத்த சேதம் ஏற்பட்டுள்ளதுடன், காயமடைந்த சாரதியின் கவனக்குறைவே விபத்து ஏற்பட காரணம் எனவும் பொலிஸார் கூறியுள்ளனர். சதர்ன் எக்ஸ்பிரஸ் கலனிகம போக்குவரத்து பொலிஸார் விசாரணைகளை மேற்கொண்டு வருகின்றனர்.

திருகோணமலை மாவட்டத்தில் விஞ்ஞான பிரிவில் ஸ்ரீ சண்முகா இந்து மகளிர் கல்லூரி மாணவி டேகா உமாசங்கர் முதலாவது இடத்தைப் பெற்று சாதனை படைத்துள்ளார். எதிர்காலத்தில் சிறந்த வைத்திய நிபுணராக வருவதற்கு ஆசைப்படுவதாகவும் தனக்கு கற்பதற்கு உதவி அனைவருக்கும் நன்றிகளைத் தெரிவித்துக் கொள்வதாகவும் தெரிவித்தார். இதேவேளை திருகோணமலை ஸாஹிரா கல்லூரி மாணவி ஜகுபர் றிஸ்னி மாவட்டத்தில் இரண்டாம் இடத்தினையும் பெற்றுள்ளார். தந்தை கடற்றொழிலில் ஈடுபட்டு வருவதாகவும் திருகோணமலை ஸாஹிரா கல்லூரியில் விஞ்ஞான உயிரியல் பிரிவில் கல்வி கற்று வந்த […]

மின்சார முச்சக்கரவண்டிகளை பதிவு செய்வதற்கான ஏற்பாடுகளை மேற்கொள்வதற்கு அமைச்சரவைக் கூட்டத்தில் பல தீர்மானங்கள் எடுக்கப்பட்டுள்ளன. இதன்படி, வரைவினால் தயாரிக்கப்பட்ட சட்டமூலத்திற்கு சட்டமா அதிபரின் அனுமதி கிடைத்துள்ளது. மின்சார முச்சக்கரவண்டிகளின் உற்பத்தியிலும், பெட்ரோல் அல்லது டீசலில் இயங்கும் முச்சக்கரவண்டிகளை மின்சாரத்தில் இயக்குவதற்கும் அங்கீகாரம் வழங்கப்பட்டுள்ளது. மேலும், மோட்டார் வாகனச் சட்டத்தின் விளக்கத்தின்படி, ஒரு மோட்டார் முச்சக்கரவண்டியின் கர்ப் எடை 500 கிலோவும், மொத்த எடை 1,000 கிலோவும் இருக்க வேண்டும். இதன்படி, மின்சார முச்சக்கரவண்டிகளை பதிவு செய்வதற்கு உள்ள […]

பிரித்தானியாவை தளமாகக் கொண்டு இயங்கும் செனல் 04 ஊடகம் வெளியிட்ட காணொலி தொடர்பில் சர்வதேச விசாரணைகளை மேற்கொள்ள அவதானம் செலுத்தியுள்ளோம் என அமைச்சர் மனுஷ நாணயக்கார தெரிவித்துள்ளார். பாராளுமன்றத்தின் இன்றைய (05.09) அமர்வில் கலந்துகொண்டு கருத்து வெளியிடும்போதே அவர் இவ்வாறு கூறியுள்ளார். இதன்போது மேலும் கருத்து வெளியிட்டுள்ள அவர், ”இந்த விடயம் தொடர்பில் பாராளுமன்ற துறைசார் மேற்பார்வை குழு ஊடாக விசாரணைகளை மேற்கொள்ள தீர்மானித்துள்ளதாக தெரிவித்துள்ளார். அத்துடன் தேவைப்பட்டால், சர்வதேச விசாரணைகளை மேற்கொள்ளவும் அவதானம் செலுத்தியுள்ளதாகவும் அவர் […]

சஜித்தைக் கொலை செய்வதில் யாருக்கும் ஆர்வமில்லையென ஊடகவியலாளர் சந்திப்பொன்றில் கலந்து கொண்ட போது ஐக்கிய தேசிய கட்சியின் பொதுச் செயலாளர் பாலித்த ரங்கே பண்டார தெரிவித்தார். ”சஜித்தைக் கொலை செய்வதில் யாருக்கும் ஆர்வமில்லை. நாங்கள் மாட்டிறைச்சி உண்பதில்லை” என அவர் தெரிவித்தார். “எவ்வாறாயினும், திரு. பிரேமதாச ஜனாதிபதித் தேர்தலில் போட்டியிடாதிருக்க தீர்மானித்துள்ளதாக, அடிக்கடி ஊடக சந்திப்புகளில் கலந்து கொள்ளும் ஐக்கிய மக்கள் சக்தியின் முஸ்லிம் உறுப்பினர் ஒருவர் எனக்கு அறிவித்தார். பிரேமதாச பகிரங்கமாக பொய் கூறுவதாக இந்த […]

சட்ட வரைவாளரால் தயாரிக்கப்பட்ட சைபர் பாதுகாப்பு மசோதா, அட்டர்னி ஜெனரலிடமிருந்து உரிய அனுமதியைப் பெற்றுள்ளது. சமூகம் இணையத்தில் அம்பலப்படுத்தப்படும் தவறான தகவல்கள் மற்றும் பிற தீங்கிழைக்கும் சூழ்ச்சிகளில் இருந்து சமூகத்தை பாதுகாக்கும் முயற்சியில் குறித்த மசோதா அறிமுகப்பட்டுள்ளது. இதன்படி, சட்டமூலத்தை வர்த்தமானி அறிவித்தல் மூலம் வெளியிட்டு, அதனைத் தொடர்ந்து நாடாளுமன்றத்தின் ஒப்புதலுக்கு முன்வைக்க பொது பாதுகாப்பு அமைச்சர் திரான் அலஸ் முன்வைத்த யோசனைக்கு, நேற்று (04.09) நடைபெற்ற அமைச்சரவைக் கூட்டத்தில் அங்கீகாரம் வழங்கப்பட்டுள்ளது.