அமெரிக்காவின் மேரிலாந்து, கலிபோர்னியா தேர்தல் அலுவலகங்களுக்கு வெடிகுண்டு மிரட்டல் வந்ததாக அதிகாரிகள் தெரிவித்துள்ளனர். மேரிலாண்ட் மற்றும் கலிபோர்னியாவில் உள்ள பல தேர்தல் அலுவலகங்களில் எஞ்சியிருந்த அஞ்சல் வாக்குகளை எண்ணும் நடவடிக்கைகள் முன்னெடுக்கப்பட்டபோது இந்த கொலை மிரட்டல்கள் வந்ததாக தெரிவிக்கப்படுகிறது. அனைத்து அச்சுறுத்தல்களும் ஆதாரமற்றவை என்று ஆய்வுகள் கண்டறியப்பட்டுள்ளன. இதனையடுத்து மீண்டும் எஞ்சிய வாக்குகள் எண்ணப்பட்டுள்ளதாக கூறப்படுகிறது. மேரிலாந்தின் மாநில தேர்தல் நிர்வாகியான ஜாரெட் டிமரினிஸ், அச்சுறுத்தல்களை “கோழைத்தனமானது” என்று விவரித்துள்ளனர்.

கனடாவில் காலிஸ்தான் போராளிகள் இருப்பதை அந்நாட்டின் பிரதமர் ஜஸ்டின் ட்ரூடோ முதன்முறையாக ஒப்புக்கொண்டுள்ளார். கனடாவில் காலிஸ்தானிய இயக்கத்துக்கு ஆதரவு வழங்குவோர் இருக்கின்றனர் என்று எதிர்பாரா விதமாக ட்ரூடோ கூறினார். எனினும், அவர்கள் ஒட்டுமொத்த சீக்கிய சமூகத்தைப் பிரதிநிதிக்கவில்லை என்றும் அவர் உடனடியாக சுட்டினார்.கனடியத் தலைநகர் ஒட்டாவாவில் இருக்கும் அந்நாட்டு நாடாளுமன்றக் கட்டடத்தில் நடைபெற்ற தீபாவளிக் கொண்டாட்டத்தின்போது ட்ரூடோ அவ்வாறு சொன்னார். காலிஸ்தானிய பயங்கரவாதியான ஹர்தீப் சிங் நிஜ்ஜார் கொல்லப்பட்டதைத் தொடர்ந்து இந்தியாவுக்கும் கனடாவுக்கும் இடையிலான உறவு மோசமடைந்துள்ளது. […]