பாகிஸ்தானில் 2ஆவது பெரிய விமானப்படை தளம் மீது தாக்குதல் – பலர் உயிரிழப்பு!

பாகிஸ்தானின் துர்பத்தில் அந்நாட்டின் 2-வது பெரிய கடற்படை, விமானப்படை தளம் உள்ளது. இந்த விமானப்படை தளத்துக்குள் பயங்கரவாதிகள் புகுந்து தாக்குதல் நடத்தினர். துப்பாக்கியால் சுட்டும், வெடிகுண்டுகளை வீசியும் தாக்குதல் நடத்தினர். இதையடுத்து அங்கு ராணுவத்தினர் விரைந்து சென்றனர்.

இந்த தாக்குதலுக்கு பலுசிஸ்தான் விடுதலை இயக்கத்தின் மஜீத் ராணுவப்பிரிவு பொறுப்பேற்றுள்ளது. இது தொடர்பாக அந்த இயக்கம் கூறும்போது, விமானப்படை தளத்துக்குள் போராளிகள் தாக்குதல் நடத்தினர் இதில் பலர் பலியானதாக தெரிவித்துள்ளது.

இந்த விமானப்படை தளத்தில் சீனாவின் டிரோன்கள் உள்ளிட்ட பல்வேறு ஆயுதங்கள் உள்ளன. பலுசிஸ்தான் மாகாணத்தில் உள்ள இயற்கை வளங்களை சீனாவும், பாகிஸ்தானும் சுரண்டுவதாக பலுசிஸ்தான் விடுதலை இயக்கம் குற்றம்சாட்டி வருகிறது.

சீன முதலீடுகளை கடுமையாக எதிர்த்து வரும் அந்த இயக்கம் அடிக்கடி தாக்குதலில் ஈடுபட்டு வருகிறது. சமீபத்தில் குவாதர் துறைமுகத்தில் தாக்குதல் நடத்தப்பட்டது என்பது குறிப்பிடத்தக்கது.

தொடர்புடைய செய்திகள்:

செங்கடலில் அதிகரிக்கும் பதற்றம் : இத்தாலியின் பொருளாதாரத்தை சீர்குலைக்கும் அபாயம் தனது பதவியை ராஜினாமா செய்தார் வியட்நாம் அதிபர் வோ வான் துவாங்.. வியட்நாமில் அடுக்குமாடி குடியிருப்பில் தீ விபத்து : 14 பேர் உயிரிழப்பு! இந்தோனேசியாவுடன் இணைந்து பாலஸ்தீனத்திற்கு அமைதிப்படையை அனுப்ப மலேசியா தயார்: பிரதமர் அன்வார் பாகிஸ்தான் முன்னாள் உளவுத்துறை தலைவர் ஃபைஸ் ஹமீத் கைது துனிசியாவின் ஜனாதிபதி வேட்பாளருக்கு 20 மாத சிறைத்தண்டனை