பொலிஸ் வேடமணிந்து கொள்ளை சம்பவங்களில் ஈடுபட்ட 10 பேர் கைது!

பொலிஸ் வேடமணிந்து வீடுகளுக்குள் பலவந்தமாக நுழைந்து குடியிருப்பாளர்களைத் தாக்கி சொத்துக்களைக் கொள்ளையடிக்கும் கும்பலின் மூளையாக செயற்பட்ட ஒருவர் உள்பட 10 பேர் கைது செய்யப்பட்டுள்ளனர்.

மேல்மாகாணத்தின் குற்றப் புலனாய்வுப் பிரிவின் அதிகாரிகளுக்கு கிடைத்த தகவலின் அடிப்படையில் ஹொரண பொக்குனுவிட பிரதேசத்தில் மேற்கொள்ளப்பட்ட விசேட சுற்றிவளைப்பின் போதே குறித்த 10 பேரும் கைது செய்யப்பட்டுள்ளதாக அறிவிக்கப்பட்டுள்ளது.

கைது செய்யப்பட்டவர்களிடம் இருந்து 10 ஆயிரம் மில்லி கிராம் ஹெரோயின் கைப்பற்றப்பட்டுள்ளதாகவும் பொலிஸார் தெரிவித்துள்ளனர்.

மேலும், சந்தேகநபர்களிடம் இருந்து, பொலிஸ் சீருடைக்கு நிகரான உடைகள், வாள்கள் உள்ளிட்ட கூரிய ஆயுதங்கள், 04 மோட்டார் சைக்கிள்கள், கொள்ளையடித்த பணத்தில் வாங்கிய 2 முச்சக்கரவண்டிகள், 37 பவுன்  தங்கம் ஆகியவையும் கைப்பற்றப்பட்டுள்ளன.

குறித்த நபர்கள்,12இற்கும் மேற்பட்ட கொள்ளை சம்பவங்களில் ஈடுபட்டுள்ளதாக கண்டறியப்பட்டுள்ளது.

மேலும் குறித்த 10 பேரும் நேற்று ஹொரணை நீதவான் நீதிமன்றில் முன்னிலைப்படுத்தப்பட்ட நிலையில், அவர்களை விளக்கமறியலில் வைக்குமாறு நீதவான் உத்தரவு பிறப்பித்துள்ளார்.

See also  இலங்கையில் கடவுச்சீட்டுக்கான Online முன்பதிவுகள் இன்று முதல்

தொடர்புடைய செய்திகள்:

இலங்கை சுதந்திரதினத்தை முன்னிட்டு பிரித்தானியாவில் மாபெரும் கரிநாள் பேரணி. இலங்கையில் மரக்கறிகளின் விலையில் ஏற்பட்டுள்ள மாற்றம்! இலங்கையில் 8 மாவட்டங்களுக்கு விடுக்கப்பட்ட எச்சரிக்கை! இலங்கையில் மீண்டும் தனது சேவையை ஆரம்பிக்கும் சுவிஸ் இன்டர்நேஷனல் ஏர்லைன்ஸ் நம்பிக்கைக்குரியவர்களுக்கு முதலிடம் வழங்கும் இலங்கை ஜனாதிபதி – பதவி விலகும் அமைச்சரவை கொழும்பு பேராயரை சந்தித்த ஜனாதிபதி அநுர குமார