சீனாவுடன் பேச்சுவார்த்தை நடத்த மீண்டும் அழைப்பு விடுத்த தைவானிய அதிபர்

தைவானிய அதிபர் லாய் சிங்-தே,சீனாவுடன் பேச்சு நடத்த மீண்டும் அழைப்பு விடுத்துள்ளார்.

தைவானுக்கு அருகே இரண்டு நாள் போர்ப் பயிற்சியைச் சீனா நிறைவுசெய்த பிறகு அவர் அவ்வாறு கூறியுள்ளார்.இரு தரப்புக்குமிடையே புரிதலை மேம்படுத்தவும் கருத்து வேறுபாடுகளைக் களைந்து மீண்டும் நட்புறவை ஏற்படுத்தவும் விரும்புவதாகத் லாய் தெரிவித்தார்.

தைவானைத் தனது அங்கம் என்று கூறும் சீனா, மே 23, 24ஆம் திகதிகளில் போர்ப் பயிற்சியை நடத்தியது.

லாய் பிரிவினைவாதி என்று சீனா தொடர்ந்து சாடிவரும் வேளையில், தைவானைச் சொந்தம் கொண்டாடும் பெய்ஜிங்கின் கருத்தை அவர் நிராகரித்தார்.மேலும் தைவானிய மக்கள்தான் தங்களின் வருங்காலம் குறித்து முடிவெடுக்க முடியும் என்று அவர் வலியுறுத்தினார்.

சீனாவின் போர்ப் பயிற்சி குறித்துக் கவலை தெரிவித்ததற்காக அமெரிக்காவுக்கும் மற்ற நாடுகளுக்கும் லாய் நன்றி தெரிவித்துக்கொண்டார்.

வட்டார நிலைத்தன்மையைப் பாதிக்கும் விதமாகத் தைவானிய நீரிணையில் எந்தவொரு நாடும் சலசலப்பு ஏற்படுத்துவதை அனைத்துலகச் சமூகம் ஏற்றுக்கொள்ளாது என்றார் அவர். சீனாவின் அண்மைப் போர்ப் பயிற்சிக்குத் தைவானிய அரசாங்கம் கண்டனம் தெரிவித்துள்ளது

See also  புறப்படும் தருவாயில் தீப்படித்த விமானம் : அச்சத்தில் சிதறி ஓடிய பயணிகள்!

தொடர்புடைய செய்திகள்:

பிலிப்பைன்ஸ் – தங்கச்சுரங்கத்தில் புதைந்து 68 பேர் பலி: 51 பேர் கதி என்ன? ஈராக்கில் டிக்-டாக் பெண் பிரபலம் மர்ம நபரால் சுட்டு கொலை துப்பாக்கிச் சூடு நடத்திய 2 பாலஸ்தீனிய துப்பாக்கிதாரிகள் சுட்டுக்கொலை சிங்கப்பூரில் 16 பூச்சியினங்களை உணவாக உட்கொள்ள அனுமதி.! பிரபஞ்ச அழகி போட்டியில் களமிறங்கும் 80 வயது பெண்