தமிழரசு கட்சியின் தீர்மானத்தை நிராகரித்தார் சிறிதரன் எம.பி

எதிர்வரும் ஜனாதிபதி தேர்தலில் ஐக்கிய மக்கள் கூட்டணியின் வேட்பாளர் சஜித் பிரேமதாசவை ஆதரிப்பதென்ற எமது கட்சியின் மத்திய குழுத் தீர்மானத்திற்கு அமைவாக வாக்காளர்கள் உரியவாறு தங்கள் வாக்கை அவருக்கு வழங்க வேண்டும் என தமிழரசுக்கட்சி அறிக்கை வெளியிட்டுள்ளது.

ஜனாதிபதித்தேர்தல் தொடர்பான தீர்மானம் மிக்க உயர்மட்ட கலந்துரையாடல் வவுனியா தமிழரசுக்கட்சியின் அலுவலகத்தில் இன்று இடம்பெற்றது.

குறித்த கூட்டத்தில் கட்சியின் தலைவர் மாவைசேனாதிராஜா, பாராளுமன்ற உறுப்பினர்களான எம்.எ.சுமந்திரன், சி.சிறிதரன், செயலாளர் ப.சத்தியலிங்கம், முன்னாள் மட்டுமாநகரசபை மேயர் சரவணபவன், சி.வி.கே.சிவஞானம் ஆகியோர் கலந்துகொண்டனர்.

இந்த கலந்துரையாடலின் பின்னர் தமிழரசுக்கட்சியின் தீர்மான அறிக்கை கட்சியின் தலைவர் மாவை சேனாதிராஜாவால் வாசிக்கப்பட்டது.

இதேவேளை இன்றையதினம் கூட்டத்தில் கலந்துகொண்ட ஆறு உறுப்பினர்களில் பாராளுமன்ற உறுப்பினர் சி.சிறிதரன் மாத்திரம் குறித்த தீர்மானத்திற்கு இணக்கப்பாடு தெரிவிக்கவில்லை என்பது குறிப்பிடத்தக்கது.

தொடர்புடைய செய்திகள்:

ஜனாதிபதி ரணிலை சந்தித்த தாவூதி போராஸ் ஆன்மீக தலைவர் பரிதாபமாக உயிரிழந்த சிறுமி – நால்வர் கைது யாழ்ப்பாண இளைஞரிடம் 15 லட்சம் ரூபாயை சுருட்டிய மதபோதகர் கைது கஞ்சா சம்பவத்தில் தொடர்புடைய காவல்துறை அதிகாரி சஸ்பெண்ட் சாவகச்சேரி ஆதார வைத்தியசாலையில் விடுதிக்குள் நுழைந்த மூவருக்கு விளக்கமறியல் சஜித்துடன் தமிழரசு கட்சிக்கு என்ன டீல் ?