தொடர் கருச்சிதைவால் வருத்தத்தில் பெண் எடுத்த அதிர்ச்சி முடிவு!

நர்சரி ஊழியரான பெண் ஒருவர் குழந்தைகள் மீதான பற்றால் தாயாக வேண்டும் என்ற கனவில் இருந்தவர், தொடர் கருச்சிதைவு காரணமாக மனமுடைந்து இறுதியில் அதிர்ச்சி முடிவை எடுத்துள்ளதாக தகவல் வெளியாகியுள்ளது.

வடக்கு வேல்ஸ் பகுதியில் குடியிருந்து வந்த 26 வயது Jemma Zoezee என்பவர் கடந்த ஆண்டு டிசம்பர் மாதம் 16ம் திகதி தூக்கிட்ட நிலையில் சடலமாக மீட்கப்பட்டார்.இந்த வழக்கின் விசாரணை நடந்து வந்துள்ள நிலையில், அவர் தற்கொலை செய்துகொண்டார் என்பதை உறுதி செய்துள்ளதாக கடந்த வியாழக்கிழமை உறுதி செய்துள்ளனர்.

ஜெம்மாவும் அவரது கணவர் அந்தோனியோவும் ஒன்றாக வாழ்ந்து வாழ்ந்தனர். தனது மனைவி குறித்து அந்தோனியோ தெரிவிக்கையில், எனக்குத் தெரிந்த மிக இனிமையான பெண் அவர். நீண்ட காலமாக உலகம் முழுவதும் பயணம் செய்ய விரும்புவதாகவும் ஜெம்மா கூறி வந்ததை அவர் நினைவுகூர்ந்துள்ளார்.

ஆனால், தொடர்ந்து கருச்சிதைவு ஏற்பட்டதால், கடுமையான மனச்சோர்வில் அவர் இருந்தார் எனவும் விசாரணையில் அந்தோனியோ தெரிவித்துள்ளார். இப்படியான சூழலில் அவர் தமது வாழ்க்கையை முடித்துக்கொள்ள முடிவு செய்துள்ளார் என நீதிமன்றத்தில் தெரிவிக்கப்பட்டுள்ளது.

இந்த விசாரணை காலத்தில் ஜெம்மாவின் குடும்பத்தினர் எவரும் நீதிமன்றத்தில் கலந்துகொள்ளவில்லை. ஜெம்மாவின் சகோதரர் தெரிவிக்கையில், முதல்முறை கருச்சிதைவு ஏற்பட்ட போதே அவர் மனமுடைந்து போனார் எனவும், அவருக்கு போதுமான உதவிகள் கிடைக்காமல் போனது என்றே தாம் நம்புவதாகவும் அவர் தெரிவித்துள்ளார்.

மேலும், அவருக்கு ஏன் தொடர்ந்து கருச்சிதைவு ஏற்படுகிறது என்பதை எவரும் அவருக்கு விளக்கவில்லை என குறிப்பிட்டுள்ளார் ஜெம்மாவின் சகோதரர். அதுவே ஜெம்மாவை உளவியல் ரீதியாக கடுமையாக பாதிக்க செய்திருக்கலாம் என குறிப்பிட்டுள்ளார்.

தொடர்புடைய செய்திகள்:

அமெரிக்க ஆப்பிள் ஸ்டோரில் இருந்து 50 ஐபோன்களை திருடிய நபர் லாஸ் ஏஞ்சல்ஸில் இடம்பெற்ற மிகப்பெரிய திருட்டு அமெரிக்கா – இஸ்ரேலுக்கு ஆயுதம் வழங்க வலியுறுத்தும் மசோதா நிறைவேற்றம் இஸ்ரேல்-ஹெஸ்பொல்லா போரை தவிர்க்க அழைப்பு விடுத்த பென்டகன் தலைவர் அமெரிக்காவில் அதிக வெப்பத்தால் உருகிய ஆபிரகாம் லிங்கனின் மெழுகுச் சிற்பம் போட்டியைவிட்டு விலக உண்மையாக காரணம் இது தான் – அமெரிக்க ஜனாதிபதி வெளியிட்ட தகவல்