புதுக்குடியிருப்பு தேவிபுரம் பகுதியில் மரக்கட்டையில் மோதி உந்துருளி விபத்துக்குள்ளானதில் ஒருவர் பலி!

முல்லைத்தீவு – புதுக்குடியிருப்பு தேவிபுரம் ஆ பகுதியில் இடம்பெற்ற விபத்தில் ஒருவர் உயிரிழந்துள்ளார்.நேற்று (17) இரவு 7 மணியளவில் இடம்பெற்ற விபத்து சம்பவம் தொடர்பில் மேலும் தெரியவருவதாவது,

புதுக்குடியிருப்பு தெங்கு பனைகூட்டுறவு சங்கத்தின் உறுப்பினராக கள்ளு இறக்கும் தொழில் செய்து வருபவர் நேற்று மாலை கள்ளினை இறக்கி தவறணைக்கு கொண்டு சென்று கொடுத்துவிட்டு திரும்பும் வழியில் தேவிபுரம் ஆ பகுதியில் உள்ள வீதியில் குறுக்கே விழுந்து கிடந்த மரக்கட்டையில் குறித்த நபர் பயணித்த உந்துருளி மோதி விபத்தினை ஏற்படுத்தியுள்ளது. படுகாயமடைந்த நிலையில் உயிரிழந்துள்ளார்.

தேவிபுரம் ஆ பகுதியினை சேர்ந்த 55 அகவையுடைய விநாயகம் என்று அழைக்கப்படும் சி.சிவபாஸ்கரன் என்பரே உயிரிழந்தவராவார்.உயிரிழந்தவரின் உடலம் புதுக்குடியிருப்பு ஆதார மருத்துவமனையில் வைக்கப்பட்டுள்ளது.

விபத்து தொடர்பில் புதுக்குடியிருப்பு பொலிசார் விசாரணைகளை மேற்கொண்டு வருகின்றார்கள்.

தொடர்புடைய செய்திகள்:

சர்வதேச நாணய நிதியத்துக்கும் இலங்கை அரசாங்கத்துக்கும் இரண்டாவது மீளாய்வு தொடர்பில் இணக்கப்பாடு யாழ்.சாவகச்சோியில் பாடசாலை மாணவியை காணவில்லை அரசுக்கு நஷ்டம் ஏற்படுத்திய வழக்கு ; முன்னாள் அமைச்சர் பௌசிக்கு நோட்டீஸ் ஜெர்மனிக்கு காத்திருக்கும் நெருக்கடி – தயாராகுமாறு அறிவித்த அமைச்சர் இலங்கை : கோர விபத்தில் சிக்கி மூவர் பலி