கோடீஸ்வர தொழிலதிபர் தினேஷ் ஷாப்டரின் ஆயுள் காப்பீட்டுத் தொகையை பெறுவதற்காக அல்லது அவரை சொத்தை பெறுவதற்காக அவருக்கு நெருக்கமான ஒருவரை கொலை செய்தாரா என்பது குறித்து விசாரணை அதிகாரிகள் கவனம் செலுத்தி வருகின்றனர்.
இந்த விடயம் உட்பட பல விடயங்கள் தொடர்பில் தற்போது விசாரணைகள் இடம்பெற்று வருகின்றன.
தினேஷ் ஷாப்டரின் மரணம் கொலை என நீதிமன்றம் தீர்ப்பளித்ததால், கொலையாளிகளை கண்டறிய கொலை மற்றும் கொள்ளை தொடர்பான புலனாய்வுப் பிரிவு விசாரணையைத் தொடங்கியுள்ளது.
சிங்கப்பூர் மற்றும் பிரித்தானியாவில் அவருக்குச் சொந்தமான சொத்துக்கள் தொடர்பிலும் அதிகாரிகள் விசாரிக்க உள்ளதாகத் தெரிவிக்கப்படுகிறது.
பல கோடி ரூபா பெறுமதியான ஆயுள் காப்புறுதித் தொகையைப் பெறுவதற்காக ஷாப்டரின் நெருங்கிய உறவினர் ஒருவர் இந்தக் கொலையைச் செய்திருக்கலாம் என விசாரணை அதிகாரிகள் தற்போது சந்தேகிக்கின்றனர்.
ஷாப்டருக்கான காப்புறுதி இழப்பீட்டுத் தொகையை ஒரு வார காலத்திற்கு இடைநிறுத்துமாறு காப்புறுதி நிறுவனங்களின் அதிகாரிகளுக்கு கொழும்பு மேலதிக நீதவான் ராஜீந்திர ஜயசூரிய அண்மையில் உத்தரவிட்டுள்ளார்.