அபுதாபி குற்றவியல் நீதிமன்றம், வெறுக்கத்தக்க காணொளியை ஆன்லைனில் வெளியிட்டதாக குற்றம் சாட்டப்பட்ட பெண்ணுக்கு ஐந்து ஆண்டுகள் சிறைத்தண்டனை மற்றும் 500,000 திர்ஹம் அபராதம் விதித்துள்ளது.
தண்டனை முடிந்ததும் அவர் நாடு கடத்தப்படுவார் என தெரிவிக்கப்பட்டுள்ளது.
பொதுவான ஒழுக்கம் மற்றும் நெறிமுறைகளுக்கு எதிராக ஆண்கள் மற்றும் வீட்டுப் பணியாளர்களை இழிவுபடுத்தும் சொற்றொடர்களைக் கொண்ட காணொளியை அந்தப் பெண் சமூக ஊடகங்களில் வெளியிட்டார்.
குற்றம் சாட்டப்பட்டவர்கள் முன்னிலையில் நீதிமன்றம் தீர்ப்பு வழங்கியது. குற்றம் செய்ய பயன்படுத்திய கையடக்க தொலைபேசியை பறிமுதல் செய்யவும் நீதிமன்றம் உத்தரவிட்டது.
மேலும் கையடக்க தொலைபேசி மற்றும் காணொளி பதிவிட்ட கணக்கில் உள்ள காணொளியை நீக்கவும், கணக்கை முழுவதுமாக ரத்து செய்யவும், குற்றம் சாட்டப்பட்டவர்கள் எந்த ஒரு தகவல் இணைப்பு, மின்னணு தகவல் அமைப்பு அல்லது வேறு எந்த தகவல் தொழில்நுட்ப வழிமுறைகளையும் பயன்படுத்துவதை நிரந்தரமாக தடை செய்யவும் நீதிமன்றம் உத்தரவு பிறப்பித்தது.
அபுதாபியின் பொது வழக்குரைஞர் சமூக ஊடக தளங்களில் பரப்பப்பட்ட காணொளி குறித்து விசாரணையைத் தொடங்கியது மற்றும் காணொளி வைரலானதை அடுத்து சந்தேக நபரைக் கைது செய்ய உத்தரவிட்டது.
விசாரணைகள் நிறைவடைந்ததையடுத்து, குற்றஞ்சாட்டப்பட்டவர்கள் மீது வெறுப்புணர்வைத் தூண்டும் வகையில் பேசியதாக பொதுத் தரப்பு வழக்குப் பதிவு செய்தது.
வெறுப்பைத் தூண்டும் செயலுக்கு குறைந்தபட்சம் ஐந்தாண்டு சிறைத் தண்டனை அல்லது இரண்டும் தண்டனையாக விதிக்கப்படும்.
குறைந்தபட்சம் 500,000 திர்ஹம் அபராதம் விதிக்கப்படும் என்றும் நீதிமன்றம் கூறியுள்ளது. சந்தேக நபர் குறித்த மேலதிக தகவல்களை அதிகாரிகள் வெளியிடவில்லை.
