போக்குவரத்திற்காக அறவிடப்படும் கட்டணங்கள் தொடர்பில் அரசாங்கத்தின் முக்கிய அறிவிப்பு

புகையிரத, முச்சக்கர வண்டி மற்றும் பாடசாலை போக்குவரத்து சேவைகள் உட்பட பொதுப் போக்குவரத்திற்காக அறவிடப்படும் கட்டணங்கள் மற்றும் கட்டணங்கள் தொடர்பான தீர்மானங்களை மேற்கொள்ளும் அதிகாரத்தை தேசிய போக்குவரத்து ஆணைக்குழுவிற்கு வழங்க அரசாங்கம் தீர்மானித்துள்ளது.

இன்று (02) நடைபெற்ற அமைச்சரவை செய்தியாளர் மாநாட்டில் உரையாற்றிய போக்குவரத்து அமைச்சர் பந்துல குணவர்தன, உரிய சட்டத்தில் திருத்தம் செய்வதற்காக அதற்கான ஆவணங்கள் சட்டமா அதிபருக்கு அனுப்பி வைக்கப்பட்டுள்ளதாக தெரிவித்தார்.

போக்குவரத்துத் துறையில் அறவிடப்படும் கட்டணங்கள் தொடர்பான தீர்மானங்களை மேற்கொள்ளும் அதிகாரத்தை தேசிய போக்குவரத்து ஆணைக்குழுவிடம் ஒப்படைப்பதற்காக திங்கட்கிழமை அமைச்சரவைப் பத்திரத்தை சமர்ப்பித்ததாகவும் பந்துல குணவர்தன வலியுறுத்தினார்.

இது மிகவும் நியாயமான விலைக் கொள்கையை ஸ்தாபிப்பதற்கு வழிவகுக்கும் என்று அமைச்சர் தெரிவித்தார்.

தொடர்புடைய செய்திகள்:

உத்தேச பயங்கரவாத எதிர்ப்புச் சட்டம் குறித்த யோசனைகளை ஜனாதிபதியிடம் முன்வைப்போம் – சாகர கந்தளாய் பிரதேசத்தில் சரிந்த தொலைத்தொடர்பு கோபுரம் – ஐவர் படுகாயம் அவர் என்னை ‘பெண் நாய்’ எனக் கூறினார் -டயானா கமகே குற்றச்சாட்டு உணர்வுபூர்வமான பிரச்சினைகளையும் பேச்சுவார்த்தைகள் மூலம் தீர்க்க முடியும்: சீனாவில் அமைச்சர் டக்ளஸ்