இலங்கையில் சுற்றிவளைப்பு நடவடிக்கையின்போது கொல்லப்பட்ட பொலிஸ் அதிகாரியின் குடும்பத்தினருக்கு நிதியுதவி!

பொலிஸாரின் நீதி நடவடிக்கையின் கீழ், சுற்றிவளைப்புக்காக சென்ற  உப பொலிஸ் பரிசோதகர் உபுல் சமிந்த குமார சுட்டுக்கொல்லப்பட்ட நிலையில், அவருடைய குடும்பத்தினருக்கு நிதியுதவி வழங்கப்பட்டுள்ளது.

ஜனாதிபதி 2.5 மில்லியன் ரூபாவை வழங்கியதுடன், பொது பாதுகாப்பு அமைச்சர்  திரான் அலஸ் அவர்களினால் உபுல் சமிந்தவின் குடும்ப உறுப்பினர்களுக்கு தொகை வழங்கப்பட்டுள்ளது.

இதேவேளை, பொலிஸ் திணைக்களத்தின் சார்பில்  உபுல் சமிந்தவின் சேவைக்காக 1.75 மில்லியன் ரூபா வழங்கப்பட்டுள்ளதுடன், அத்தொகை பதில் பொலிஸ் மா அதிபர்  தேஸ்பந்து தென்னகோனினால் அவரது குடும்பத்தினருக்கு வழங்கப்பட்டுள்ளது.

மாத்தறை வெலிகம பிரதேசத்தில் மேற்கொள்ளப்பட்ட நடவடிக்கையின் போது சுட்டுக்கொல்லப்பட்ட கொழும்பு குற்றத்தடுப்பு பிரிவின் பொலிஸ் சார்ஜன்ட் உப பொலிஸ் பரிசோதகராக பதவி உயர்வு பெற்றுள்ளதாக பொலிஸ் திணைக்களம் அண்மையில் அறிவித்துள்ளது.

கொழும்பு குற்றத்தடுப்பு பிரிவில் கடமையாற்றும் 47 வயதான பொலிஸ் சார்ஜன்ட் ஒருவரே சுட்டுக் கொல்லப்பட்டுள்ளார்.

தொடர்புடைய செய்திகள்:

பாணந்துறை கடற்கரையில் அலையில் சிக்கி அடித்துச் செல்லப்பட்ட 6 பேர் மீட்பு ஹோமாகமவில் ஹோட்டலை போர்க்களமாக மாற்றிய மாணவர்கள் – 12 பேர் கைது இலங்கை நாடாளுமன்றத்திற்கு அருகில் இராட்சத முதலை வருட இறுதிக்குள் இலங்கையின் உத்தியோகப்பூர்வ கையிருப்பு சொத்துக்களை அதிகரிக்க திட்டமிடும் அரசாங்கம்!