உக்ரைன் அணு ஆயுதங்களை நாடுவதாக வடகொரிய தலைவர் கிம் ஜொங் உன்னின் சகோதரி குற்றம் சாட்டியுள்ளார். அணுசக்திக்கு ஆதரவான உக்ரேனிய மனுவில் 611 கையெழுத்துக்கள் கிடைத்துள்ளதாக தெரிவித்த அவர், இது வொலோமிர் செலன்ஸ்கியின் அரசியல் சதி என்றும் விமர்சித்தார். அண்டை நாடான பெலாரஸில் ரஷ்யா அணுவாயுதங்ளை நிலைநிறுத்த திட்டமிட்டுள்ளது. இதனையடுத்து அணுவாயுதம் குறித்த மனுத்தாக்கலை உக்ரைன் முன்வைத்துள்ளதாக தெரிவிக்கப்படுகிறது. இந்த மனுக் குறித்து கிய்வ் அதிகாரிகள் கருத்து தெரிவிக்கவில்லை. இந்நிலையில், வடகொரியா மேற்படி விமர்சித்துள்ளது.

உக்ரைன் போலந்திடம் இருந்து 100 ரோசோமாக் பல்நோக்கு கவச வாகனங்களை ஆர்டர் செய்துள்ளதாக தகவல் வெளியாகியுள்ளது. குறித்த கவச வாகனங்கள் ஃபின்னிஷ் உரிமத்தின் கீழ் தயாரிக்கப்பட்டதாக போலந்து பிரதமர் தெரிவித்துள்ளார். ஐரோப்பிய யூனியனிடம் இருந்து போலந்து பெற்ற நிதி மற்றும் உக்ரைன் பெற்ற அமெரிக்க நிதிகள் மூலம் இதற்கு நிதியளிக்கப்படும் என தெரிவிக்கப்படுகிறது.

ரஷ்யா – உக்ரைன் போரில் உலகின் மிகப்பெரிய சரக்கு விமானமான அன்டோனோவ் ஆன்-225  அழிக்கப்பட்டது. சிதைவடைந்த குறித்த விமானத்திற்கு முன் நின்று படை வீரர்கள் புகைப்படம் எடுத்துள்ளனர். குறித்த புகைப்படங்கள் தற்போது சமூகவலைத்தளங்களில் வைரலாகி வருகிறது.  

ரஷ்யா போர்முனைக்கான ஆயுத விநியோகத்தை அதிகரிக்கும் என பாதுகாப்பு மந்திரி செர்ஜி ஷோய்கு தெரிவித்துள்ளார். ஆயுத தேவைகளை பூர்த்தி செய்வதற்கான நடவடிக்கைகளை எடுத்துள்ளதாக கூறினார். மொஸ்கோவில் உள்ள ரஷ்யப் படைகளின் தலைமையகத்தில் நடைபெற்ற கூட்டத்தில் கருத்து வெளியிட்ட அவர் இவ்வாறு கூறினார். ஸ இதேவேளை வாக்னர் கூலிப்படை குழுவின் தலைவரான ஷோய்கு முன்வரிசைக்கு போதுமான ஆயுதங்கள் வழங்கப்படவில்லை என குற்றம் சாட்டியமை குறிப்பிடத்தக்கது.

ஆங்கிலக் கால்வாயைக் கடக்க முயன்ற பிரித்தானிய பயணிகள் நீண்ட வரிசையில் காத்திருக்க வேண்டிய நிலை ஏற்பட்டுள்ளது. இங்கிலாந்தில் உள்ள டோவர் துறைமுகம், மோசமான வானிலை, அதிக போக்குவரத்து மற்றும் பிரெஞ்சு அதிகாரிகளின் செயலாக்க தாமதம் ஆகியவற்றால் இந்த தாமதம் ஏற்பட்டதாக தெரிவிக்கப்பட்டுள்ளது. ஐரோப்பிய ஒன்றியத்தில் இருந்து பிரித்தானிய வெளியேறியுள்ள நிலையில், இவ்வாறான தாமதங்களால் மக்கள் விரிக்தியடைந்துள்ளதாக சர்வதேச ஊடகங்கள் செய்தி வெளியிட்டுள்ளன.

ஐ.நா பாதுகாப்பு கவுன்சிலின் தலைமைப் பொறுப்பை ரஷ்ய ஏற்றுக்கொண்டுள்ளது. இதன்படி ஐ.நா பாதுகாப்பு சபையின் அடுத்த மாதத்திற்கான கூட்டங்களுக்கு ரஷ்யா தலைமை தாங்கவுள்ளது. இது குறித்து கருத்து தெரிவித்துள்ள வெள்ளை மாளிகையின் செய்தி தொடர்பாளர் ஜோன் கிர்பீ, தவறான தகவல்களை பரப்புவதற்கு ரஷ்யா தொடர்ந்து முயற்சி செய்வதாகவும், உக்ரைனில் அதன் நடவடிக்கைகளை நியாயப்படுத்துவதாகவும் கூறினார். துரதிஷ்ட வசமாக ரஷய் பாதுகாப்பு கவுன்சிலின் நிரந்தர உறுப்பினராக உள்ளது எனத் தெரிவித்த அவர், யதார்த்தத்தை மாற்றுவதற்கு ஏதுவான சட்டப்பாதை இல்லை […]