இரத்மலானை பிரதேசத்தில் உள்ள உணவகம் ஒன்றில் நபர் ஒருவர் கூரிய பொருளால் வெட்டி படுகொலை செய்யப்பட்டுள்ளார். பாதிக்கப்பட்ட நபருக்கும் மற்றுமொரு நபருக்கும் இடையில் ஏற்பட்ட வாய்தகராறுக்கு பிறகு இந்த வாள்வெட்டு இடம்பெற்றுள்ளதாக பொலிஸார் தெரிவித்தனர். உயிரிழந்தவர் உணவகத்தின் உரிமையாளர் என தெரிவிக்கப்பட்டுள்ளது. உயிரிழந்தவரின் சடலம் களுபோவில போதனா வைத்தியசாலையின் பிரேத அறையில் வைக்கப்பட்டுள்ளதுடன், சந்தேக நபரைக் கைது செய்வதற்கான மேலதிக விசாரணைகளை கல்கிசை பொலிஸார் மேற்கொண்டு வருகின்றனர்.

கடற்படையினரும் பொலிஸாரும் திருகோணமலை குச்சவெளி காசிம்நகரில் மேற்கொள்ளப்பட்ட விசேட தேடுதல் நடவடிக்கையின் போது 54 வாட்டர் ஜெல் குச்சிகள் மற்றும் 50 மின்சாரமற்ற டெட்டனேட்டர்களுடன் பெண் ஒருவரை கைது செய்தனர். சந்தேகத்திற்கிடமான முறையில் வெடிபொருட்கள் மறைத்து வைக்கப்பட்டிருந்த வீடொன்றில் சோதனையிட்டதன் பின்னர் இந்த கைது ஏற்பட்டுள்ளதாக கடற்படையினர் தெரிவித்துள்ளனர். வெடிமருந்துகளைப் பயன்படுத்தி மேற்கொள்ளப்படும் சட்டவிரோத மீன்பிடி நடைமுறைகளைத் தடுப்பதற்காக வழக்கமான தேடுதல் நடவடிக்கைகளை மேற்கொள்வதாக கடற்படை தெரிவித்துள்ளது. இம்முயற்சிகளின் நீட்சியாக, கிழக்கு கடற்படை கட்டளையில் உள்ள SLNS […]